البيبسي ,, همّ الأردنيين !!!!!

[البيساني]

هاي القصيدة عن البيبسي والكولا .. يمكن بتعرفو مرت فترة بالأردن الشباب صارو يجمعو غطي البيبسي [عشان يربحو ( بسكليت )

وبصراحة قرأت هاي القصيدة وعجبتني فحبيت أقرئكم اياها ..

ويا ريت تعطوني رأيكم .. يعني بالأحرى ما تسحبو ( سيييييييين ) لا ما بتعملوها

أترككم مع القصيدة

*********************************** *************** *************

بقول قالو لو تشرب بيبسي في فرصة فوز ..

بدراجة هوائية .. قلنا بجوز ..

وحرمنا شرب القهوة ووقفنا الشاي ووجهنا كل العالة على البيبسي دوز..

كل ما تفتح قنينة .. هي هي .. مقعد .. مقود .. أو طارة أمامية ..

عبينا دراج المطبخ منها سكراب إلا الهيكل مش راضي يصفي النية ..

بعدين حسينا انه ملعوب .. وقصد الغرب يلهينا وكل شي محسوب ..

خلينا نضل ندور عبسكليت وهم بحتلو العالم من دون حروب ..

احنا هون اتلهينا بجمع السكراب .. نفرح كل ما ييجينا طارق عالباب عشان نفتحله بيبسي بلكي بنفوز ..

وإسرائيل بمقدسنا بتفتح سرداب ...

اشربنا بيبسي وخبينا للمستقبل ..

بلكي يسعفنا الحظ بصورة هيكل ..

احنا مش غلنا هيكل يسوى دينار وأسوار القدس انهدت لأجل الهيكل ..

وختمتها الكولا بشغلة مفيدة ..

اشرب ثنتين بتربح وحدة جديدة ..

لا .. وقال الفرصة محدودة الحق حالك يا أبو العيال حتى لو حالك عالحديدة ..

صرنا نشرب كولا روحة وجية ..
وبين البيبسي والكولا مرويجية ..

وصار الواحد عالوقعة يشرب لترين ..

مع انه كان يسطل من ربعية