كرسي الاعتراف::نسرينا الفلسطينية::

[نسرينا الفلسطينيه]

المشاركة الأصلية كتبت بواسطة بو هبه باك يا حجه

أحلى باك بوهبه

نورت والله

مساواة المرأة بالرجل ...((الاسلام ساوا المرأة بالرجل ))..؟؟

ما معنى هذه الجمله ..برأيك...

اكيد الاسلام ما بحكي شي الا فيه اساس وفايدة للكل

ومساواة المرأه للرجل لازم يكون الها حدود بنظري وهيي حدود الاسلام واجباتها ما تتخلى عنها،

لانو كتير ناس بعتبرو المساواة والحرية للمرأة بتكون انو تعمل االي بدها اياه خارج حدود واجباتها وفروضها بالدين والاسرة وغيره..


ع العموم هاد الموضوع حلو وشيق وواسع والكلام فيه كتير ..وبتضارب الآراء عليه كتير

وازا بدك اي سؤال فيه انا جاهزة ^^



*** ** ** ** ***

مارأيك بحال فلسطين ...بعد ان تفرقة الكلمه ...وتواجهت الاسلحه ....ودقت الاعناق ...


من تعتقدين انه على حق ....؟؟.....

حال فلسطين حاليا بوجع القلب..تفرقه وصراع وحرب اهلية عمري ما اتخيلت تصير لشعبا يوم من الايام..طول عمري بنظر والعالم كلو بنظر للشعب الفلسطيني شعب موحد وكلمتو وحدة وايديهم بيدين بعض ضد عدو واحد الي هوي مغتصب ارضنا...

ما بتتخيل صدمتي لهلا مش قادره اصحى منها..انو هاد كلو صار وعم بصير..وصلت معي اني بطلت اتابع اخبار..لاني ما بدي اصدق الي عم بصير..ولا اشوف شعبي عم بضيع ورا شعارات وكراسي وكلام فاضي..ونسيو اسرائيل الي اكلت بلدنا..وصرنا نضرب ببعض..

بالنسبة ع مين الحق..كل الي كانو يتقاتلو وعم يتقاتلو لهلا..عليهم اكبر حق..والتاريخ ما رح يسجل عليهم الا نقطه سوده وعار كبير ع شعبنا..الي كانت صورتو احلى صورة بالعالم..

شعب فلسطين المقاوم الشجاع الشهم وكل الصفات الي كنا نفتخر فيها..ضاعت بين يوم وليلة مشان شو !!

مشان اكون من حماس ولا اكون من فتح..شو بدهم يكونو فتح وحماس مشان نتقاتل مشانهم!!..

انا عارفه كتير رح يحكو انو احنا منتقاتل مشان انظف فلسطين..والي بضحك في الموضوع كل حزب فيهم بحكي نفس الكلام..وكل واحد فيهم بنشر غسيل التاني والشاطر الي بطلع التاني مش نظيف وغلطان!!

انا حكيتها قبل ورح احكيها كمان..فتح وحماس كانو بنظري حزبين مهمين وبحترمهم وبحترم كل شي عملوه..لانهم كانو يحاربو عدونا..بس لما صارو يحاربو بعض..ما عاد للاحترام مكان بعد اليوم..

لتنين غلطانين ونقطة وسطر جديد..

احنا انخلقنا وعدونا اسرائيل الي ماخده بلدنا ..انخلقنا نحب فلسطين ونستشهد مشانها وكلنا ارخاص مشانها..مش مشان حزب ولا شعار وعلم اي حزب!!



فلسطين وبس..

وأريد ان تصفي محمود عباس ...؟؟ من هو ...؟

محمود عباس من يوم ما استلم الرئاسه ولهلا ما حاسة انو لفلسطين رئيس بعد ابو عمار..

لهلا ما شفت نوع من انواع الزعامه فيه ولا هيبة الزعيم..ولا حتى القرارات الصائبة ..يعني باختصار من يوم ما مسك السلطة وفلسطين عم بضيع بزياده..
وبعهده خربت البلد..


** ** ** **

ما رأيكٍ في زمن على الباطل عن الحق ...وكان كل هذا لصالحك ...يعني يعود عليكٍ بالفائده والنفع ...


هل تقبلين ....ولماذا..؟

لا طبعا ما بقبل

لانو الي بنبني ع الباطل ..روح يروح برمشة عين وما بدوم^^





** ** ** **

لي عوده ان كتب لي .....


سلامي

نورت والله

مع السلامه