o0o0o يا هلا .... هون استراحة فلسطين ^_^ o0o0o

[ورود نابلسية]

موضوع جدا رائع

في الوقت الحاضر فقدنا الكثير من عاداتنا الفلسطينيه الشعبيه

لكن ساأذكر ماتقول جدتي (:

((زمان كان عيب البنت تنام للظهريه لازم تفيق بكير وتساعد امها

بالطبيخ لبين ماييجي اخوها وابوها من الارض اذا كان فلاح ومن الدكانه ازا كان تاجر

وكانت العزايم بين اهل الحارة الوحده الها طعم خاص النسوان يجمعوا في بيت ومابيجمعو المسا

تجمعهم كان الصبح بعد مايطلعو الرجال لاشغالهم ....

وكان من عادات اهل نابلس بالتحديد واللي لهلق بنشوفها الشعبونيه

بيعملوها قبل رمضان بشي تلات او اربع ايام يحتفلو بعمل سفرة كبيرة يحطوا فيها كل شي

ومالذ وطاب من الاكل ويجمعو الاهل والاقارب ع السفرة الشعبونيه

وليلة رمضان الناس بتحاول تشوف الهلال رؤياعين زي ماوصى حبيبنا

وفي ناس تستنى صوت المدفع اللي يخبرنا انو رمضان هل وطل

عادات وتقاليد كتير حلوة ))

بس اتزكر اشي تاني ارجع خيو

يعطيك العافيه (: