اكثر المواقف احراج

[بسكوتة]

ههههههههههههههههههههههه

يا الله فطست ضحك عليكم كلكم
يسعدلي ياكم يا رب

بو هبه سلامتك يما ^^
حنووو وهاي خلصتي من المدرسه ونكدها بس كانت أيام حلوه ^^

نرجع لموضوعنـا من ناحية المواقف اللي عندي عدد ولا حرج
بس هاتو أتـزكـر شي ^^

يللا تزكرت شغله بس مش طويله القصة هههههههههههه قصدي روايه يللا انتو شو خسرانين ^^
هاد يا جماعة الخير بعد ما الست بسكوته أخدت الليسن
صرت دريـول لأخواتي دريول يعني عنا السواق الهندي يلي موجود عند كل عائله إماراتيه
المهم وماما مسكتني كمان ع روحي عالكارفور واشتري وروحي أبصر وين

في يوم من الأيام رحت عالكارفور والدنيا العصر
رحت أشتري ضيافه يعني شوية فواكه كان جاي عنا ناس
المهم طلعت والحمدلله ووصلت هناك وصفيت السيارة وكلو تمام
ورحت اشتريت الأغراض وخلصت طبعا بدي أقطع الشارع
والسيارات عنا والحمدلله بتحترم كتير المشاة شايفين معاي
كتير بتحترمهم

وأنا ماشيه وحامله الكياس وطبعا إيدي تشلعوا كانو تقال كتير :(
المهم كان تقريبا الشارع فاضي بس في سيارة وحده جاي من بعيد
حكيت ما بوصل الرصيف وبتكون رايحة خلص
ولا صار بدي أقطع الشارع والسيارة بعدها بتمشي
وشوفوا عاد بسكوته وهيي بدها تقطع الشارع
ساعة أمشي خطوه والسيارة تمشي
ساعة أوقف والسيارة توقف معاي
والمصيبه السيارة مخفي أكيد اللي جواها ختيار معفن
أصلا السيارة موديل ألف وخشبه

يعني من الآخـر أختكم بسكوته انحولت
يعني أبصر تصرف تلقائي إنو الواحد يوقف بس تمشي السيارة
بس هوي بعيد عنكم ما بفهم
لا هوي واقف ولا هوي ماشي
حيرني وحير اللي وراي

إجيت عصبت ومشيت من ورا السيارة مع إنو كانت موقفه
بس طبعا كان موقف سخيف :(