تخيـــــــل نفســــــك

[نور اليقين]

كل واحد مننا ليه خياله الخصب اكيد كل واحد سرح بخياله وعاش الوهم الجميل انه مثلا نجم كوره او مطرب مشهور او نجم سنيما تعالوا نعبش الوهم ده مع بعض ونتخيل حاجات مستحيله ونشوف حياتنا ممكن تبقي ازاي في الخيال غمض عنيك وتخيل انك طياره بتبص عالدنيا من فوق كل شئ قدامك صغير اوي لدرجه انك مش شايفه خالص والبشر زي النمل وانك شايف كل الدول والمدن حيكون احساسك ايه او تخيل نفسك مكان بوش يعني حاكم اكبر دوله في العالم وفي ايدك قرارات كتير ايه اللي ممكن تعمله للاسلام والعرب والعالم كله يا تري حتبقي زي سيدنا عمر ابن الخطاب في عدله وتقواه ولا قراقوش اللي حرم اكل الملوخيه؟؟؟؟؟؟ او تخيل نفسك حته جماد واقف بتبص عالدنيا في صمت وسكون بدون اي تاثير منك او تدخل شايف العاصي بيعمل معاصي ومش قادر ترده وشايف العابد بيطيع ربنا ومش عارف تعمل زيه طب ايه رايك لو تخيلت نفسك نسمه هوا يا تري تتمني تكون ايه اعصار وزوابع تهد مدن وتوقع بيوت وتخلع شجر ولا تكون نسمه رقيقه تهدي حر الحران وتحرك شعر بنوته جميله قاعده علي شط البحر وقت الغروب وتحرك اوراق الشجر برقه. ااقولك تخيل نفسك ابنك اللي حايعيش سنه 2050 يا تري حيكون شكله ايه اخلاقه ازاي مستوي معيشته فوق ولا تحت الصفر متعلم ولا جاهل ملتزم بدينه ولا منحل ارجع للواقع لا تتخيل غير نفسك انت كده احسن صوره ممكن تبقي عليها ناقص حاجه واحده لو عندك عيوب حاول تصلحها ولو في مميزات حاول تنشرها انت كده افضل المخلوقات في افضل الصور سيبك من الخيال وارجع للواقع وحب الناس تحبك بحبكم واتمني تحبوني