نكت بمناسبة تعليم السواقة

[فلسطيني عسل]

مرة واحد كان جايب سيارة مرسيدس جديدة و طالع هوه و صاحبو, فبلش يسوق فيها, بعدين بلش يسرع.
فقله صاحبه: يا زلمة خفف السرعة مش هيك.
قال السايق: انت بتفهم بالمرسيدس؟
قله صاحبه: لا
قال السايق: طب خلص اسكت.
قام السايق زاد السرعة و طلعت عن ال80
صاحبه نط و قله: يا زلمة خفف السرعة!!!
قال السايق: انت بتفهم بالمرسيدس؟
قله صاحبه: لا
قال السايق: طب خلص اسكت!!!!
السايق زادت سرعته و طلعت عن ال100
نط صاحبه: قله يا زلمة مشان دينك خفف السرعة
قله السايق: انت بتفهم بالمرسيدس؟
هظاك قله لا, فحكالو السايق خلص اسكت
فصاحبنا طاير طلع عن ال160
صاحبه ارتعب و قله يا زلمة بعرضك خفف السرعة مش قادر. خلص نزلني
قله السايق : انت بتفهم بالمرسيدس؟
هظاك قلو ااه يا زلمة بفهم بالمرسيدس !! نزلني!!
قله السايق: طب يا زلمة قلي وين البريك؟؟؟!!
--------------------------------------------------------------------------

مرة طفيلي شاف اشارة ممنوع الوقوف راح انبطح

---------------------------------------------------------------------------

مرة واحد محشش واقف على الشارع بدو يقطع و متردد اول ما قطع دعستو سيارة, قال والله اني كنت عارف.

---------------------------------------------------------------------------

مرة في واحد خليلي ذكي جدا كان بسوق سيارتة بسرعة مخالفة للقانون فمن سوء حظة شافو شرطي المرور عشان يخالفوا اللي في النصيب .. قرب الشرطي من السيارة وطلب منة رخصة السائق فقالو الخليلي انا بصراحة ما معي رخصة ، فقالو الشرطي نعم ، بتسوق بهالسرعة وما معك رخصة ..طب وين رخصة السيارة؟ قال الخليلي: بصراحة هي السيارة انا سارقها بس لحظة اظن وانا بخبي في المسدس بالدرج لقيت أوراق للسيارة
الشرطي : نعم وكمان سارقها ومعك بالسيارة مسدس؟؟
الخليلي: والله انو المسدس مش الي بس انا اخدتة من صاحب السيارة الأصلي بعد ما قتلتة لما قاومني ..
الشرطي : نعم وكمان قاتل قتيل ؟؟
الخليلي: ما اتخاف هيو معي بجيبت السيارة ورايح ادفنة ما تقلق ..
طبعا الشرطي طلب من السواق ما يتحرك واتصل بمقر الشرطي فحضروا اربع ضباط وطوقوا السيارة وانتهت مهمة الشرطي , قرب الضابط من السواق الخليلي وقال بدي اتأكد اول ، أعطيني رخصتك ورخصة السيارة لو سمحت
الخليلي: حاضر اتفضل هي الرخص وكلها سليمة , الضابط شاف الرخص وفعلا لقاها سليمة
الضابط : طيب افتح الدرج اسمعنا انو معك مسدس
الخليلي: مسدس حرام عليك انا عمري ما شفتة كيف بدي احملو وهي الدرج تحت امرك ، وفتح الضابط الدرج وما وجد اشي
الضابط : طب انزل لو سمحت افتح جيب السيارة اسمعنا انو في قتيل ..
الخليلي: نعم قتيل أصلا انا بخاف أدبح جاجة أعوذ بالله ..
وفعلا فتح جيب السيارة وما وجد اشي فقال عجيبة مع انو الشرطي خبرنا انك عامل هيك هيك ...
الخليلي : لعنة الله على هالكذاب .. خوف الله قلك كمان اني كنت مسرع !!