انا وانت

[ادهم اللداوي]

أناحبـر الـورق وانتي قصيده كلهـا احزان



اسافر في ثناياها اعانق موجــة احــزاني



شراعي حب والقارب مشاعـر وانتي العنـوان



وبحــر الحب والمرسى وانتي نصفي الثـاني



أهيم بحضنك الدافي اخفف لوعــة ا لحرمان



واصور للسماء حـزني وعرفها بحـرماني



وادورفي حروف الشوق شبيه التايـه الحيران



واغرد في سماء حبـك واترجم باقي الحـاني



اشتت با لغناء همي اسلي قلبي ا لولهـان



أحـاول كثـر ما قدر عسى والهم ينساني



عجزت أوصل أو اتناسى أو اطــوي صفحة النسيان



واصــادر باقي الذكرى وصرخة قلبي الحاني



ولهفة روح مجروحـه ودمعه في عيون انسان



أحـاول أرسمك صـوره وقلبٍ كان يهـواني



تذكرته بدون اشعـورشفته داخل ا لفنجان



مبلل والشعر منثـور يسبح وسـط فنجـاني



وفي كفه ورود وشوك ملفوفه بدون اغصان



ونظراته ألم وجـروح أثارت كل أشجـاني



تبي تصرخ وتتكلم0تبي تـروي ظماء عطشـان



ولكن صمتهاالمجهول سقاها صمت واسقانـي



تذكرتك وشـوقي زاد واستهـوتني الألحـان



واظن انك نسيتيني ولك غيري غـلا ثـانـي



انا دمعة عشق سالت على صــدر ا لورق ا لــوان



أنا المظلوم في دنيـاي0وانا في حبك الجاني



أنا ذكرى نسيتيها وفي دنيـاك ماضي كـان



انا جـرح الزمن وانتي0زمن بالجرح اعياني



اسولف قد ما سولف احس اني انا ا لغلطان



أحس اني بقايا هـم وماضي حبي ابكاني



أنا وانتي سرا ب وليل حكمنا البعد والهجران



تقاسمناالحزن والهم0 والموعـد بدا فاني



وبسمة طفل مجروحه توارت ياصـدى الوجـدان



بين الحـزن والدمعه وفي جــرحي وشرياني



اباتأسف تذكرتك ودمعي في عيوني بـان



غصب عني تذكرتك وشـــوق ا لشوق نـاداني



أناوانتي قصيدة حب0 منظـومه بدون اتقان



أجل هذااناوانتي ياأول وآخـر ا لحاني