رحــلة جميلة الى طفولتكم وأسئلة لكم ؟؟

[لانيا]

المشاركة الأصلية كتبت بواسطة Banbon السؤال الأول ...
صف لنا طفولتك بجملة واحدة ؟؟

ذكريات كتيـــــره



السؤال الثاني ..
ما هو اجمل موقف او اجمل ذكرى تتذكرها من طفولتك ؟؟
لما كنت ارجع من المدرسه انا و صحابي من المدرسه مشي بعمَان .
و بالطريق كنا نخاف بس نمرق من قدام بيت واحد مجنون و نركض هههههههه ^_^
و هلأ كتييير بفتقد هالشي .... لاني اتغربت من صف تاني ابتدائي
و نفسي ارجع اشوف بنات وولاد صفي كيف صارو و كمان لانه هلأ بروح و بجي بالسياره
.... المشي أحلى بكتير ....


السؤال الثالث..
ما هو أصعب أو أحزن موقف مر عليك في طفولتك ؟؟
لما سافرت خالتي عالضفه عشان تتجوز و تستقر هنالك ..... لانه كنت متعلقه فيها اكتر من امي و بحبها كتييير
و ضليت ابكي يوم كامل بس سافرت .... من و قتها ما شفتها يعني من 9 سنين ...



السؤال الرابع..
ما هي أجمل هدية تلقيتها في طفولتك ولم تنساها لليوم ؟؟
هديتين ....اول واحده كانت باربي و معها و لادها و أغراضها ...
و تاني وحده كانت أدوات تشكيل المعجون (( الصلصال او الطين )) ....


السؤال الخامس..
هل هناك انسان معين كرهته في طفولتك .. ولماذا ؟؟
كرهت بنات عمي ... لانه كانوا اكبر مني بكتير و ما بعرف ليه كمان ...بس بعرف اني كرهتهم



السؤال السابع...
بصراحة مين كنت تحب اكثر بطفولتك.. ماما ولا بابا ؟؟
محد ش شايفكم قولوا...

هههههه .... بابا لانه انا و هوه كنا صحاب مو بنت و ابوها ...
بس هلأ تغيـــر كتير شغلات ...و صار أكتر انسان بحبه بالعااااااالم ماما ... انسانه عظيمه .. الله يخليها


السؤال الثامن...
هل كنت غيور بطفولتك من اخوانك وتحس فيه تمييز بينك وبينهم ؟؟
لا ...ما حسيت هيك ... لانه لما كنت صغيره كنت انا و اخوي بس اتنين ..و ما حسيت بفرق بيناتنا
و لما اجو خواتي التنتين بعد هيك ....كنت أكبر و أوعى و ما حسيت بغيره او فرق معامله ...


السؤال التاسع..
وش كانت اكثر وافضل لعبة تلعبها وانت صغير ؟؟
أدوات المطبخ ...بـــس هلأ بكره شي اسمه مطبخ هههه




السؤال العاشر..
هل ستربي اولادك بنفس الطريقة التي تربيت بها في طفولتك؟

لا لا لا لا .... غير أكييييييييد ... بس أتوقع اني رح أكون شديده كتير ^_*



شكراً عالأسئله الحلوه .... عنجد اتذكرت كتييير شغلات و لحظات حلوه ^_^

بانبون حبيبتي امنوره الموضوع

والله ايخللك ماما وبابا وانشاء الله ترجعي اتشوفي خالتك من تاني

تسلمي على التفاعل