ايها العضو تسمحلي احرجك واقولك انك للاسف..........!!!

[شاعرة الاحزان]

بسم الله الرحمن الرحيم
طبعا عنوان غريب
انا عاوزة اناقش موضوع اكيد بيدور جواكم كلكم وبتفكروا فيه زيي منا بفكر فيه
لما بتدخل المنتديات وعلي سيبل المثال منتدي مصرية بتلاقي ايه ؟؟؟
بتلاقي تسعة وتسعين في المية من اعضاؤه يكادو ان يكونو ملايكة
أدب ايه واخلاق ايه وكلام ايه
وواحدة توعظنا والتاني ينصحنا وعامل فيها واعظ والتاني عايش في دور المفتي
وكأن الواحد مننا مش بيغلط ابدا وماشي علي الصراط وكأننا في عهد الرسالة
انا عاوزة اسأل سؤال عام
انت بجد كدة ؟؟ ولا عايش في دور الاحترام والوعظ والنصح والارشاد في المنتدي بس
وبتحاول تستغله في تعويض نقص عندك مش موجود في الواقع ؟؟؟
وانتي فعلا كدة انسانة علي هذا الخلق العالي الرهيب ؟؟؟ ولا انتي بتعيشي في الدور وواخدة المنتدي
ستار ليس إلا بتخبي وراه حقيقتك ومجال عشان تثبتي فيه لنفسك انك ممكن تكوني في يوم محترمة ومتدينة بالشكل الجميل
ده ؟؟؟
هل نحن اعضاء منافقين في المنتدي لينا وش مختلف تماما عن الوش الاصلي الحقيقي اللي بيبان
اكتر في البيت ومع الاهل والاصدقاء ؟؟؟ مش دي الاسئلة اللي اوقات بتدور في دماغك
موضوع المناقشة هنا هل المنتديات وسيلة للنفاق والتمثيل وتعويض نقص ما بداخلنا ؟؟
ياتري الاعضاء بتضحك علي بعض بالردود الحلوة والمقنعة والجميلة وهما اصلا في الواقع غير
كدة تماما ؟؟ في الوقت اللي ممكن يكون العضو بيشخط في وجه ولدته ووالده واخواته ؟؟
هل المنتديات بتساعد علي تزايد وجود النفاق وسط البشر ؟؟؟
هل انت عضو مزيف ؟؟؟
ولو انت كدة ايه الدوافع اللي تخليك تزيف حقيقتك وتمثل علينا وتضحك علي نفسك قبل ما تضحك علينا ؟؟؟؟ ويخليك تدخل المنتدي تؤدي فيه دورك كام ساعة في اليوم وبمجرد انك تقفله ترجع شخصيتك
الحقيقة ؟؟؟ ايها العضو صاحب النصيحة والوعظ والارشاد وصاحب المواضيع الجادة ذات الطابع
الديني والهادف انت بتطبق اللي بتقولو في المنتديات في حياتك الاول اصلا ؟؟؟
هل تؤيد هذا النوع من النفاق لكي تكتسب محبة الاعضاء ولو بالكذب ؟؟؟
الموضوع ده انا بطرحه بشكل عام طبعا ولا اقصد بيه عضو محدد علي الاطلاااااااااااااااااااااق
ومتنسوش اني عضو زيكم ....
أرجو ارأئكم ومشاركتكم ..
وعاوزز صراحه والا متجوبشى وخلاص وقول شكرا على الموضوع