الحـلقة الثـانية .. مشـروع احيـاء أمة ... "ابـتسـم لتـكون أجـمل"

[نور اليقين]

فيه ناس فاهمة ان ابتسامتها دي حرية شخصية
و هما هنا غالطانين
من حق اللي بيكلمك انك تبتسم في وشو
من حق اللي عايش معاك انك تبتسم في وشو
كونك تكشر و تتبنى على طول حالة الانسان المتشائم
بتخليك تضلم الناس اللي محيطة بيك و تأتر عليهم سلبا
و هنا انت بتاخد ذنبهم حتى لو مكنش ده قصدك
انا معاك ان الحياة صعبة
و ان احلامنا و طموحاتنا اكبر مننا
و ان تحقيقها صعب و يمكن ساعات مستحيل
عشان كده الزعل وارد
و التشاؤم كمان وارد
ان لم يكن اكيد
بس خليك عارف انك انت دلوقتي متشائم
بكرة عيلتك هتبقى متشائمة
و بعدها محيطك بحالو هيبقى كده
و لما ربنا يفرجها عليك و تيجي انت تتغير و تشاؤمك يبقى مجرد ماضي و دكرى حزينة
مش هتلاقي حد حواليك يتفائل معاك
عشان انت عادتهم
اصل التشاؤم ده بيعادي هو كمان
زي المرض
بس المرض تقدر تعالجو
و تقدر تعالج اي حد منو حتى لو الحد ده رفض
الا التشاؤم
عشان اعالج نفسي لازماني ارادة
و الارادة مش دوا نقدر نشتريه وقت ما نعوز
و مش دوا نقدر نغصب غيرنا انو ياخدو
ده غير ان الي ابتدا يشوف الدنيا بعين سودة صعب جدا جدا عليه يغير نضرتو ليها و يشوفها بعدين حلوة و مشرقه
اللي بيتشاءم مرة بيفضل على طول متشائم
خلاص
انطبعت الصفه دي في شخصيتو واتشهر بيها
حتى لو اتغير من جواه بجد
محيطو مش هيصدقو