| الإهداءات |
|
|||||||
|
|
أدوات الموضوع | انواع عرض الموضوع |
10-21-2006, 04:07 AM
|
#1 | |
|
I ♥ PALESTINE
قوة السمعة: 0
 |
قصة شاب احب لدرجة انه سيقتل نفسه
ليه لمن الانسان بحب بدعس علي كل اشي قدامو
وعند ما يقرب ينتهي الي بينهم بندم علي كل الي عملو سعات الانسان بتصنع الحب عشان يتسلى فبلاقي حدا بحبو وعند ما يتصادف انو يحب لاجل يملاء حياتو بلاقيش حدا بحبو ليه الدنيا عكس ارادة الانسان ليه لمن يكون شخص بدو اشي بلقهوش ولمن ما يكون بدو هالاشي بلقيه مرمي قدامو ساعات الانسان بكذب لاجل ينجي نفسو وبصدقو ولمن بصدق بكذبوه انسان عاش اصعب الايام راح اسمعكم قصة واحد عاش حب مرتين وكل مره بتفشل اقرو معي هالقصة في شب في هالدنيا الي احنا فيها القصة مو خيالية القصة حقيقية وانا بعرفو معرفة كويسة هالشب هذا عندو عز غير شكل فلوس سيارات بيت فشي طلب بغلى عليه شو ما بدو بلاقي هالشب كان هو واهلو دايما تصير في فصل الصيف جمعة علي البحر مع خالتو وزيجان خالتو وولادهم فكان بحب بنت خالتو وكان بالسر يحبها بينو وبين نفسو في يوم من الايام كان هالشب علي البحر والبنت الي بحبها بتحبو بس مش قادرة تحكي فكانو يلعبو شدة هو وهي وبنات خالتو التنين ولأجل انو محبوب هالشب بين عايلتو كلها كل اشوي يزعق عليه اخوالو وخالتو وزيجانهم وولاد خالتو لحتى يقعد عندهم وكل اشوي يروح يقعد معهم ويضحك معهم ويضحكهم فصادف انو وهو قاعد معاها وهي بتطلع فيه بسرقة انتبه هالشب الها ولكن عمل نفسو انو مو شايف فضلت تطلع فيه وسرحانه فيه فطلع عليها دارت وجها وصارت تتلون ورجع كمل لعب فرجعت اطلعت فيه وسرحت فيه هو ادرك الموضوع وحس انو في اشي فقم من عندهم وقعد لحالو هالشب فقامت البنت وراه وقعدت جمبو وهو كان بطلع للبحر فهمست هالبنت في ذانو وقالت الو :::: بحبك: فطلع الها وقال الها ::: شو بتقولي فرجعت هالبنت لفضتها كمان مره ولكن بتقطع ::: ا ن ا ب ح ب ك فانبسط هالشب وحس انو الحياه بدت تطلع عندو فرد عليها بنفس الكلمة ::: وانا بحبك وبموت فيكي وطول عمري نفسي اقولها الك بس كنت خايف فردت عليه هالبنت :::: وانا نفس شعورك وكنت خايفه بس مش عارف كيف قلتها فالشب انبسط علي هالاشي وظلهم مشين وعرفو اهله للبنت واهلو كانو عارفين وصار الموضوع بين الخالات وكل يومين هالشب يروح عندهم على البيت ويضحكو مع بعض وامها كانت مبسوطه عليه ولكن صادف انو ابو هالبنت اتوفى فانترك هالموضوع فتره كبيره كثير فعاودت رجعت ولكن صار عماتها يزوروهم وعمامها يزورهم فخفت زيارت هالشب ويوم عن يوم عرفو المووضع فقررو هالعمات يقلبو كل اشي بيصير فحكو لعمتها انها تعرض الزواج عليها وصارو يرغو في ذان هالشب الي بدو يتزوجها مش حبيبها الي هو ابن عمت البنت وفي نفس الوقت ابن عم هالشب الي هو حبيب البنت فصارو يرغو في دانو لحتى ما اقنعوه يتزوج وفي نفس الوقت رغو في ذان البنت فصادف انو تم عقد خطوبه والغلبان الحبيب ما كان يعرف بالموضوع ولكن اتصادف انو حصل بين ولاد خالتو بالغلط وعرف الموضوع كلو فقرر انو يعمل مصيبة وفعلا لاجل انو بعز قدر يعمل هالمصيبة اخد اصحابو علي بيت عمتها الكبيرة وصارو يزعقو علي ولادها لحتى واحد ينزل فيهم يفش خلقو فيه ولكن ما نزل ولا حدا فراح واحد منهم نط عن الحيط وفتح هالباب ودخلو كل اصحابو وهو معهم ما لقو غير سيارتهم فنزلو فيها وما خلو فيها اشي وعمت البنت الي بحبها هالشب خبرت والدو ووالدو اتكلف بتصليح هالسيارة وصلحها ولمن عرف الشب انو والدو صلح السيارة قرر انو ينتقم فرجع جمع اصحابو وراح علي بيت عمتها الكبيرة بس هالمره قام وهجم علي بيتها وما خلا فراش مكانو الا مزعوه والمرأة ما شكت لوالدو شكت لشرطة وما بلغت مين الي عمل هيك لانها كانت خايفه منو وقالت انهم ملتمين وزوجها كان طرطور معاها فهلقيت هالشب البنت خطبة ورضي بالي فيه والبنت اتصلت عليه وبتقلو انا اسفه مقدرتش اعمل اشي فرد عليها رد ألمها اكثر من الي ألمو ::: الي ببيعني ببيعو بالجزمة فكانت صدمه علي البنت انها تسمع هالكلام والشب بعد عن هالبنت وقعد فترة طويلة منوطي خلف وجه اخر غير حزنو وكأبتو وبالصدفة كان مدمن نت اتعرف علي بنت وهالبنت دخلت قلبو قبل ما يتعرف عليها واتعرف عليها وحبها واعترف بحبها الو لكن المشكلة انها مو مصدقة حبو الها ويمكن مصدقة بس خايفه فقد ما اقنعها علي شي فاضي فحاول كثير معاها لحتى هي رفضت كل كلامو وقالت الو حنخسر بعض هيك فقرر انو يبقا في حبها بقلبو وما يعترف بعد هيك لحتى كشفت كل المو الي اتألم منها ومن رفضها فطلب مني المساعده لحتى اني اقدر اساعدو لكن ما قدرت اساعدو فأنا حبيت اطلب منكم يد المساعده يمكن تقدرو تعملو اشي فاياريت الكل يحاول يساعد هالشب لانو بعز علي كثير والشب صابو نوع من الاكتائب الي ممكن يأدي انو يعمل اي اشي مجنون فلذالك حاولو تساعدوه وبتمنا القي مساعده وربنا يوفقكم جميعا وانا ما عرضت الموضوع الا لاني عارف انو فيكم خير |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري