شباب فلسطين

alaa_sabbah · 07-20-2006, 09:10 PM

مرة يا حبايبي و انا ماشي
و سارح على ارضنا هيك ابعيدة عن البلد اشوي
المهم بتعرفو في شجر و حشائش و نباتات برية و هيك شي
بتعرفو الحياة البرية كيف يعني فيها ما هب و دب من الكائنات الحية سواء نباتات او حيوانات
المهم بديش اطول عليكم وين اوصلنا ااااااه عند و انا ماشي
المهم ضليت ما شي هيك و الجو كان حلو و بين هالشجر و تغريد العصافير
حلو الجبل و المناظر و الطبيعة انا بحب الطبيعة بموت انا بالطبيعة
خصوصا ايام الربيع ووقت الغروب حلو اكتير بالنسبة الي المهم
وين كنا بديش اطول عليكم اااااااااه
فجأة
و انا ماشي

اسمعت صوت
خرخشة
قرقعة
حجار تشرتشعن على السنسلة
المهم وقفت
قلت بسم الله الرحمن الرحيم
شو هاض
يماما باللهجة المدنية
المهم
مشيت اشوي
كرمزت
طليت من تحت الشجر
و الا هو بعيد عنكم
يا ويلو اللي بشوفه
بموت و بيزرق من الخوف
والا هو اسد
انصدمت
قلت لحالي كلب
ولا سخل
ولا خروف محلوكلو و ضل اشويت صوف حولين راسه
لا
طلع عن جد اسد
يا لطيف
بدكم اوصفلكم شو صار فيي
الله لا يورجيكم
هاد الاسد عالي
ضخم
صار كل تفكيري كيف بدي اهرب او اخلص او اقاوم او انفد بجلدي
بتعرفو الاسد انتو
اطرافه ضخمة
و ضربت ايده تعادل ما وزنه نص طن
ولا المخالب
يا عيني على المخالب
اسد افريقي هيتو من الشرريات
هاد يلي بكون هادي و مطقع للحيوانات كلها
يعني اسد ملك غابة
بتعرفو الغابة فيها ما هب و دب من الحيوانات
طيور
ضباء
نمور
ثعالب
واويات
غريريات
حيايا
و تماسيح
و فيران
المهم
وين صرت انا
اشلك بالطويلة
ماري علي
المهم
نرجع للموضوع
احم احم
احكيلك كلمة
وين صرنا
^ ^
انسيت
هلوووووووو
صحصح معي
وين صرنا
وين
عند الاسد
اااااه احكي من اول
يا زلمي نسيت
المهم هجم الاسد علي
و اروح انا مشغل مخي شوي
و مادد ايدي بتمو
و مدخل ايدي بتمو و هو طاير بالهوى
شوف هالحركة اتخيلها
و تصل ايدي لآخر ذنبو من جوا
و امسك آخر الذنب
و اسحب بكل قوتي
و اروح قافعو
الله اكبر
قفعت الاسد
و اصحيت من النوم
و القيت حالي على الكرسي
و بين اجري الكندرة و بدي البسها
و بايدي اجرابي مقفوعة مش عارف اقفعها و البسها
و الساعة ستة الصبح و ما نمت كله من تحت راس النت و المنتدى يلي سهرني للساعة 3
و خلصت الخريفية
تشيف حلوة

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء