هام للكل ( رجاءا من جميع الاعضاء والمشرفين الدخول والتعليق)

[قمر الخليل]

مسا الخير

رجاء من الجميع يعزرني على الكلام الي رح احكيه وبدون زعل

يعني ايش هادا؟؟ احنا قاعدين عمنحكي عن الي بسير بالبلد من نزاعات بين فتح وحماس وهون كمان نزاعاات؟؟اي الله اكبر يعني كيف بدكم الصلح يسير ازا الشباب الواعين الفاهمين طلاب الجامعات قاعدين عمبتقاتلو ووين بالمنتدى ازا كيف على ارض الواقع

رجاءا هيك مستحيل بالمرة يسير صلح ابدا ابدا وبصراحة ابدأ بنفسك اولا ازا بدك البلد تتصلح

يعني ايمتى رح تفهمو انو عدونا واحد هو اسرائيل وبس مش حماس او فتح ورجاءا شوية ادب بالرد على بعض

حتى لو كان الموضوع بنتقد اي تنظيم انت بتنتمي الو يعني محمود كزا مرة حكا وكزا مرة حذر وثورة كمان

بس مافي فايدة للاسف يعني لما واحد يرد عليك بطريقة مش منيحة انت بتنرفز وبتضطر غصبن عنك ترد عليهؤ بنفس الطريقة

رجاءا خلينا نكون مثال للوحدة الوطنية لو على مستوى المنتدى بس عشان بالمستقبل يكون على مستوى فلسطين

وليش ما تكون بداية الاصلاح بين الفصايل من منتدانا؟؟ يعني غلط لو اتوحدنا كلنا؟؟

رجاءا ولا حدا ينتقد التاني لانو مادام كل واحد مقتنع بتنظيمو مستحيل يقتنع بافكار التنظيم التاني

رجاءا منكم بلاش مشاكل وخلينا حلوين مع بعض ونعم للوحدة الوطنية

ارجو انكم تعزروني لاني عنجد عصبت من كتر ما بشوف اختلافات حتى واحنا بهالظروف الصعبة

واسفة كتير محمود واسفة كتير لكل المنتدى على كلامي