قهوة ع المفرق ~

[Maram .. ~]

نزلنا ابل المغرب بشوية انا و اروى ع المطاعم الي ع البحر ادام بيتنا

ع اساس نفطر عشان صايمين و هيكا ,, ف اعدنا نستنى الادان بكرسبي كريم


الا فجاة الكرهبا بتئطع :( طبعا المكيفات كلها فصلت و الجو اساسا نااااااار و رطوبة :s


والله اخدنا دش عرق مرتب :// ضلينا ع صيامنا للعشا و نحن اعدين بنستنى بكل البنات ييجو


ع اساس بس نجتمع نروح ع مطعم تاني ئريب , الا بس وصلت وحدة من البنات صارت تحكي ما بروح و مابعرف شو ع اساس انو اهلها ما برضو تروح مكان تاني غير البحر :@@@


استفزاز كان عالاخر يعني ساعة بنستنى بالحرررر بعدين تيجي تحكي مش رح اروح المطعم -.-"


اخر شي طلعنا كلنا ع بيتنا ,, احلى شي فش عنا فرش ف اعدو ع الارض ههههههههههههههه


بس انبسطنا بالاخر :d


و هلا ماما مدبساني اعمل scan لشهاداتها و ابعتهم ابصر لمين ع الميل


شغلة مملة :/ خمسمية الف شهادة :@


زمان ما فتت المنتدى من لاب ,, فايتة هلا من لاب ماما ,,

التصفح من الفون حلو كتير بس لما اجي اكتب ردود بيجيني جلطة

شتئت للاب خالتو عشت معاه لحزات حللوة هلا بالاردن الحزيين فش حدا يستخدمو



ماحد كان معبرو غيري اساسا


حاسة اني بخرف هههههههههه


رايحة اكمل شغل ماما عدها بتيجيني