« إسرآء الفلسطينية » ضـيـف { لَـيالِي شـبابُ فـلسطِيـن و ثـرثـرةٌ حُـرة ~

[إسراء الفلسطينية]

[ قطعة حلآ ]

إزن على بـركة آلله ..

؛
خلينآ نبدي ..

؛

يلآ قبل مآتجآوبي سمي بآلله وقولي [ آللهم لآ سهل إلآ مآجعلته سهلاً وانت تجعل آلحزن إذآ شئت سَهلاً ] ..

آللهم لآ سهل إلآ مآجعلته سهلاً وانت تجعل آلحزن إذآ شئت سَهلاً :>

يا رب تسهّل

::

س1 / كيف تعبري عَن فرحك وحزنك ؟

مممم لما كون فرحــآنة ما بعرف كيف بكون هههههههههه

اما اذا كنت حزينة .. فبفضّل [ الصـمت ] .. أو البكي من دون ما حدا يشوفني


س2 / مآذآ تعني لك آلوحدة ومتى بتشعري فيهآ ؟

ممممم شعور انو الواحد يكون وحيد صعب كتير :/

ما بحس بـ " الوحدة العادية " .. انو ما في حدا حواليي وهيك .. بالعكس الحمد لله

ولكن بحس بـ [ وحدة الغـربة ]


س3 / بتؤمني بالمقولة هآدي ؟ [ من لقـى حبآبه نسى صحآبه ] ؟

هههههههه

بقولها مرات

بتنطبق ع أشخـــآص .. مش الكل :)


س4 / إيش تخصصك بآلزبط الي بتدرسيه .. بس مآتجآوبي بآلـE لأني مآبفهم اشي فيه .. ؟

هههههههههه ماشي حجاوب بالـ A

هيدا جواب كتبتو من فترة لـ نابلسية كانت سائليتني نفس السؤال :

الشرح طويل شوي .. بس لانو في كتير ما بيعرفو شو هيي هل دراسة .. بما انها مش موجودة بكل البلاد

.

.

تخصصي اسمو بالانجليزي : Human life science engineering

يمكن ببلاد تانية اسمو شي تاني ؟

//

هل دراسة بتجمع بين الطب والبيولوجيا والكيمياء و التكنولوجيا

الهدف الاساسي من هل دراسة هوي مكافحة الأمراض وتحسين الصحة البشرية.. و إنتاج أدوية جديدة ومفيدة

وبتتعلمي كيف الدوا بيدخل ع الجسم بالزبط .. وشو العمليات الكيميائية يلي بتصير بالجسم لما نشرب هل دوا

بيعطيكي معرفة عن التفاعل مع الأطعمة المختلفة وكيف بتأثر على الجينات و عن مخاطر الإصابة بأمراض النامية مثل البدانة مرض السكري، والسرطان .. و و

طبعا الواحد بختار التخصص بعد البكالريوس . فيكي تختصي بتطوير العلاجات والادوية .. متل ما انا حابة ان شاء الله ..

وفيكي تختاري انك تتخصي بالمواد الغذائية الصحيّة .. ~

يعني بدل الدوا .. تنتجي مواد غذائية صحيـــة .. ينضاف الها نوع من الدوا او الفيتامينات وهيك اشيا ..

يعني حسب الواحد لشو بميل اكتر :)


س5 / من مـتى وإنتي متغربة بآلدنمآرك ؟

من انا وعمري سنة وكم شهر

س6 / كيف آلعيشة هنآك حلوة ولآ لآ ؟

مممممم

الدنمارك بلد حلوة . . للي بيتعوّد عليها ..

بس فيهـآ إيجابيات وسلبيـآت .. متل أي بلد ..

إيجابيتها انو أمــآآن ، حقك ما بضيع .. مين ما كان الو حقوق .. كل شي مسهّل للانسآن

ان كان من باب الدراسة بكل مراحلها او العلاج .. وما شابه :)

السلبيـآت : بلد غير مسلمة .. وهل شي بأثّر كتير علينـآ .. خصوصا لما نلتقي بنآس [ بتكره المسلمين ]

نـآس حاملة افكار خاطئة عن الإسلام والمسلمين

وهل فئة من النـآس بسهولة ممكن الواحد يقابلهم .. ان كان بالجامعة .. بالاماكن العامة و وين ما كان :(

كمـآن شغلة .. هون كئآآآبة ع الآخر

والطقس بضّل مغيّم وشتا .. حتى بعز دين الصيف :(

ما منشوف الشمس الا بالنوادر


س7 / انتي بتلبسي غطوة او نقآب ؟[ سوري ع التطفل ] ..

لا ما بلبس نقاب

شو هيي الغطوة ؟


س8 / متـى آخر مرة ضحكتي فيهآ مـن قـلب ؟

ممممم مش متذكرة


س9 / بتسمعي أغآني او إشي زي كدآ ؟

للأسف اي ممكن امّرقلي كم اغنية :/

بس أنــآشيد ع الاغلب


س 10 / كم عدد افرآد أسرتكم وانتي كم ترتيبك بينهم ؟

نحنـآ 5 .. انا اكبر وحدة فيهم .. بعدين بتيجي اختي إبتسام .. بعدين خالد ، محمد وعيسى

//

اممم يآرب أسئلتي تكون حلوة لاني حسآهآ مش حلوة ..
ع العموم ..

لا بالعكس والله ..

اسئلة ظريفة متلك

جآوبي وجيآكي مرة تآنية ..

جـآوبت

اهلا وسهلا فيكي دايما يا أحلى إسرآء
؛؛

حبيت هآلإستضآفة

وهيي حبّتك كمــآن



.

قطعة حلآآ معجب بهذا