فيه ثورة تعمل كده ؟؟

[حسام المصرى]

أنا الثورة جننتنى

محدش فى مصر عارف حاجة بجد ..

ولا ايه الصح ولا ايه الغلط

شوية المجلس العسكرى يبقى كويس

شوية يخبط

شوية الحكومة تبقى كويسة شوية تخبط


شوية البرلمان يبقى كويس شوية يخبط ...

الإخوان يقولوا كلام حلو ..

ومرة يفاجئونى بتصريحاتهم


السلفيين ميختاروش مرشح الإخوان للرئاسة مع أنى كنت بحسب انه نظريا المفروض يختاروه ..


لسة سامى عنان رئيس أركان القوات المسلحة قايل من شوية سنسلم السلطة يوم 24 .. والاحزاب بتقول

المجلس العسكرى عايز يمد الفترة الانتقالية ..

انصحونى ايه الحل


الواحد يسمع مين ولا يتبع مين فى البلد دى ...

الناس مبقتش واثقة فى بعض

وكله بيخون بعض ..

فى الأسرة الواحدة

رأيى غير راى أخويا غير رأى والدى

حاسس كلمة فلول دى بقت بتتقال كتير ..


محدش بيحترم وجهة نظر التانى ..

المخدرات ببتباع علنى فى الشوارع والله .. وبشوفها كل يوم

الخناقات والبلطجة فى الشوارع عادى وعلى الملأ .. والخرطوش وضرب النار بقى عادى ..


فى سيناء لسة امبارح .. ميت 3 جنود تم ضرب الكمين بتاعهم بأربى جى .. ودى تانى مرة ..

إسرائيل شغالة تهبل فى تصريحات .. وتقول مصر اخطر علينا من إيران .. واحنا خايفين من مصر وتوتر علاقات ..

مرشحين الرئاسة بيقولوا هنطيق الشريعة ومش باينلها حاجة بصراحة ..

الناس بتموت وبتتصاب ومحدش بياخد حقه ..

ايه الحل .. والعيب من مين ..

الصورة دى كمان فاجئتنى صورة من ميدان رمسيس ..

كمية المدرعات دى .. غريبة جدا .. مشفتش زيها قبل كده ..



البلد رايحة فين ..؟؟

همسة رومنسية ,ندا الروح معجبون بهذا