شخص خانك ولجاْ اليك - هل ستساعده ام لا ؟؟

[برآءة عبد]

ذكرني موضوعك بشي أنا عملته بأعز صديقة ..

كآنت عندي ظروف .. وصارت معاي مشاكل كتير .. وبسبب ضغط الأهل .. قرروا أنهم يبعدوني عن صاحبتي ..

وبعدين صارت تكبر مشاكلي .. وصرت شوف كوابيس كتير بمنامي وخفت كتير ..

وكانت كل أحلامي تفسيرها واحد .. أنه في شخص ئريب مني كتيييير ورح يغدر فيي ..

فأهلي استغلوا الموقف ليبعدوني عن صديقتي ..

وحكولي اتركيها بلاش تتدمرك مع أني أنا هي .. أحنا تنيناتنا واحد ..

وصرت أهرب منها مو عارفة كيف ائلها ..

وهي جات مرة حكتلي مالك .. حكيتلها انا بدي نترك بعض ..

وحكيتها بكل حقارة .. أنا جدا كنت حقيرة بهديك اللحظة وما بعرف كيف عملتها ..

بعد فترة شهرين .. صارت مشكلة كبيرة جدا .. وحلمي تفسر ع الحئيئة وجد انصدمت انه الي غدرني مش صاحبتي ..

وحدة ائرب علي من نفسي ..

ولما رحت لصاحبتي .. رحتلها ابكي حكيتلها أنا متت انا انتهيت .. أنا انغدرت بضهري من أختي مش من حدا تاني ..

حكتلي كلمة وحدة وهي شمتانة " اها يلا ان شالله خير "

دمرت كل شي جواتي وكملت علي ..

أنا لو صار معي هالشي كنت رح استئبل الي خاني بروح أخوة مش بس حب وصداقة ..

لأنه بالأخير كل إنسان بغلط وبتسرع بقراراته ..

بس برده .. ما بئدر أئلك اني ممكن سامح وساعد ..

الواحد ما بيعرف شو جاي عليه ايام وشو ممكن يصير معه .

اعتذر للإطالة ..

حياك ..