الغزاوية متنرفزين.. واحنا معاهم ~

[حسام المصرى]

اولا الثورة قامت فى مصر ..

عشان المصريين فى المقام الأول ..

وكان شعارها عيش وحرية وعدالة اجتماعية ..


الثورة مهما قالوا عنها إلا أنها بداية لنجاح سو يدرك بإذن الله بالصبر والثقة فيها ..


والناس اللى بتحكى وتقول مبارك كان ارحم ..

ياريت بس يشوفوا .. مصر عملت ايه فى القصف الأخير .. التهدئة تمت بسبب الله ثم مصر ..

وحركة الجهاد الإسلامى بعتت الشكر لمصر على التهدئة اللى حصلت ..


حكومة غزة لازم يكون ليها دور .. امال الناس انتخبتها ليه ..

مصر أساسا عندها نقص فى السولار والوقود .. وده بسبب التهريب اللى شغال يحصل آخره .. أطنان السولار اللى كانت داخلة غزة من خلال الأنفاق

المفروض الحكومة الفلسطينية تمنع التهريب ده بالاشتراك مع الحكومة المصرية ..

البلد خارجة من ثورة وفيه انفلات امنى كتير جدا .. وعجز فى الميزانية والحالة صعبة ..

وأساسا مصر نفسها معندهاش اكتفاء ذاتى من السولار يعنى هتستورد لنفسها ولغزة عشان تلبى احتياجاتهم واحتياجتنا ..

فلازم الناس تصبر ..

سواء فى مصر أو فى غزة ..

وبعدين استهلاك غزة من الكهرباء يفوق استهلاك 4 محافظات مصرية وده لأن مستوى المعيشة اعلى عندهم ..

وعموما فى مجلس الشعب حاليا

وزير البترول يتم استجوابه عشان قضية نقص الوقود والبوتجاز فى مصر واللى مسببلنا احنا مشاكل كبيرة اوى ..

والحكومة المصرية وعدت انها هتلبى احتياجات القطاع خلال أيام ..

فياريت بلاش بقى أهلنا فى غزة يهاجموا ويقولوا مبارك كان ارحم

والمجلس العسكرى زبالة والكلام ده ..


المجلس العسكرى برغم كل اخطائه إلا أنه بيبذل أقصى جهده لإرجاع الامن واللى يشوف دور الداخلية حاليا واللى يشوف دور الجيش فى القبض على التهريب ومواجهة البلطجة والتعدى على أراضى الدولة هيعرف الجيش بتاعنا بيعمل ايه

والمجلس العسكرى كان ممكن ببساطة يخضع لمبارك لان المجلس العسكرى أفرداه هم قادة الجيش المصرى ..

وكانوا نزلوا قتلوا الناس زى ما بيحصل فى سوريا أو غيرها

بس معملوش كده .. ولو عملوا إستطلاع عن ثقة الشعب المصرى فى المجلس العسكرى بنعم او لا .. أظن أغلب المصريين هيقولوا نعم ..

وهو كده كده فاضله شهرين ويمشى ...

فتفاءلوا بالخير تجدوه