أحسن ناس نتكلم ~

[حسام المصرى]

أنا هتكلم بطريقة عامية جدا عن موضوع مضايقنى بجد شخصيا ..

إزاى بعد كل السنين دى احنا أجدع ناس نتكلم ..

إزاى بعد ثورات .. ولسة اجدع ناس نتكلم ..


العرب لما مصر عملت كامب ديفيد .. قالوا إزاى .. مينفعش .. دى خيانة .. وعلقوا عضويتها فى جامعة الدول العربية ..

اللى هى أحسن حد بيتكلم وبس ..

بس يا خيبة ما بعدها خيبة ..

اللى يشوف كلامهم وانتقادتهم وقرارتهم ما يشوفش هما عملوا ايه كل السنين دى .. حماستهم لقضية فلسطين .. لم تكن سوا كلاما .. ومن تاريخ الحرب .. لم نجدهم يفعلون شيئا .. يبرر استيائهم الشديد مما فعلته مصر ..

أيا كان ما حدث حينها .. لن ينفع الكلام الآن .. ^^

اللى بيحصل فى سوريا من مجازر يرتكبها بشار الكلب وحاشيته .. واللى بنشوفه على قنوات التلفزيون من مجازر ..


بصراحة أنا شفت فيديوهات تحرق الدم .. الناس دى لو كفار مكنتش عملت فى شعبها كده أبدا .. الى مقطوع ايده ورجله واللى نص وشه متشال .. والشباب اللى ميت ..

والجامعة تطلع تتكلم وتقول .. نشكل لجنة .. ونروح نشوف .. ويرجعوا وخيبتهم تقيلة ..

وحتى الآن .. مفيش غير كلام فى كلام ..

ياريت حتى كلام محترم ولا كلام يخوف ..

لا ده كلام فاضى

لما بنشوف إسرائيل بيتكلموا إزاى .. الواحد بجد بيتجنن .. عندهم فن فى طريقة اعلان التصريحات وكلامهم هما أو الأمريكان جزء من قوتهم لإضعاف الروح المعنوية لأى عدو ليهم .. وبينجحوا فعلا بضغوطهم انهم يعملوا اللى عايزينه بمجرد كلام ..

لكن للأسف احنا ولا بنعمل أى حاجة ..

لحد امتى هنفضل كده .. أنا مش عارف ..

مستنيين العرب يعملوا ايه فى قضية فلسطين أو سوريا ؟؟

قولولى التصورات اللى ممكن تحصل من وجهة نظركم ..

لأنى بصراحة مبقتش متخيل أن ممكن العرب يعملوا حاجة .. وهما بالوضع ده ..