~|مآذآ حصل للشعب المصري|~

[حسام المصرى]

اللى بيحصل مهزلة بكل ما تحمله الكلمة فى كل المحافظات ..

كل حاجة حلوة كنت فاكرها لسة فى البلد للأسف مطلعتش حلوة ...

الناس بقت بتكره بعض أوى

وبقينا لما بنختلف بنعامل بعض كأننا أعداء ..

الامن فعلا مكنش متواجد خالص فى الاستاد ولا متواجد فى أى حتة فى مصر حاليا ..

كل حاجة بقت فوضى وخلاص البلطجية كتروا والسرقة كترت والمخدرات والأسلحة النارية ..

الشرطة هيبتها راحت .. فى الحضيض .. والجيش فقد هيبته اللى المصريين طول عمرهم اعتادوا عليها ...

سياسة التشكيك فى بعض بقت هى السائدة ...

الحكاية مش قصة مجلس عسكرى أو حكومة تمشى

الحكاية أن الشعوب العربية كلها وليست مصر لازم تغير من نفسها .. احنا بقينا بنكره بعض أوى

ياما شفنا أحداث مؤسفة بين ابناء الوطن الواحد .. فى بلادنا العربية ..

كل دى أهداف .. اعداءنا بيحاولوا يعملوها من زمان عشان يفرقونا عن بعضنا .. وخاصة أهم شئ عندهم مصر ..

حاول تخلى كل العرب يكرهوها حاول تفرق بين ابناء الوطن الواحد وتعمل حرب اهلية .. حاول تخلى الشعب يفقد الثقة فى الجيش بتاعه ...

لكن كل ده وكل احلام أعداءنا مش هتحصل ..

لأننا ببساطة مصريين .. عمر ما أى شئ هيهدنا إن شاء الله .. ومهما كانت حياتنا مرة أو وحشة .. أو مهما طال ظلام الليل ..

لابد لنور الفجر أن ينجلى ..

تحيا مصر ويسقط الخونة والاعداء