♥.ιlι [ شهيد فـي ~ سِـيْـرَةْ وَ آنْـفَـتَـحَـتْ ] ιlι.♥

[إسراء الفلسطينية]

1) شو بلدك الأصلي و وين بلدك هلقيت ؟.

أصلي من الزيب ~ قضــآء عكـآ .. بس بعمري ما شفتها للاسف :(

اهلي من لاجئي لبنان .. وحتى انا خلقت هناك كمان ..

هلا ساكنة بالدنمـآرك / العـاصمة كوبنهـآجن ..

اجينا لهون كان يا دوب عمري اشهر !

2) إسرآء ببتذكري وين كنتِ سآكنة أو أهلك بحكولك بفرجوكِ صور ؟

هني اهلي اصلا ما بيعرفوا كيف شكلها فلسطين ..

بس اجدادي دايمـآ بيحكوا وبيوصفوا المكـآن يلي كانوا عايشين فيه .. !

3) سيدك وستك كآنو بحكولك شي عن أيآم البلآد وكيف هآجرو؟

دآآآآيمـــا !

روووح قلبهم يحكوا عن هديك الايـآم ..

بتحس بالحسرة يلي بقلوبهم

وانا بكيف على حكياتهم :)

4) شو رأيك بآلزي الشعبي والثوب الفسطيني و عمرك لبستيه أو نفسك ؟

روعـــة ..

كتير بيعجبنــي !

خصوصا الثوب يلي بكون مطرّز ع الايد .. < < مش شغل ماكينة !

اي لبستو من قبل ، وموجود عندي كمان

5) شو اكتر طبخة شعبية بتحبها أو نفسك توكليهآ ؟

كل شي

لا عنجد بحب كل الأكل .. خصوصا المفتول :]

وكل شي اخضر متل الملوخية والخبيزة والباميا وهيك يعني

بس نفسي ادوق " المسخن " .. ما بعرف كيف طعمو ؟ وما بعرف حدا بيعرف يعملو ؟!

6) بتحبِ تحكي اللكنة الفلسطينية القروية و شو أكتر المصطلحآت.......
يلي بتحسهآ غريبة في لهجتنآ ؟

أكيــــد بحب احكي اللهجة الفلسطينية !

وبنبسط كتير لما الاقي ناس فلسطينية بيحكوها اباً عنجد

للاسف لهجتي مش فلسطينية 100٪ ، لانها مخلوطة باللهجة اللبنانية ..

..

من المصطلحات الغريبة يلي بسمعها من اهلنا ويلي بلاقيها عنجد بتضحك بالحكي " الزيباوي " :

عن الملبَّس ( البون بون ) بقولوا : نـــؤل !

ولما بيكسروا الكلمة بالاسامي مثلا : وينو محـِــمَّد .. ليش ما اجى ع المـِـــدرَسي ؟!

او : هاد لو نو إِحمّر مش إسوَد ولا إصفـَر

ولما يكون في حكي مش عاجبهم : " عزّاااا على هل حكي ما أكبرو :| "

7) سمعت مرة بلبل بحكي أنك في بلد غرب سآكنة // عآيشة بجآلية ؟

ايواا .. ساكنة بالدنماارك من انا وصغيرة ..

عايشة بمنظقة أغلبها عرب الحمد لله .. وفيها فلسطينة كتير كمان .. << أكترهم لاجئيين من لبنان ..

8) كيف بيعآملو الفلسطينية بشكل عآم ؟

بخـآفوا منهم هههههههههه

لا بس الفلسطينية هون الهم هيبة

وبالنسبة للمعـآملة ، بعـآملونا كـ " أجانب " مستحلين بلدهم

9) بتشآركِ بآلفعآليآت يلي تقآم تضآمناً مع فلسطين و هيك قصص ؟

دايماااا

بشارك دايما بالمؤتمرات والمهرجانات والمظاهرات وهيك ..

روح قلبـــي :)