موضوع حيرني

[دموع الغربة واشواق العودة]

أهلين إسرَاء ..إن شالله تنبسطي معنا هون ^^
أنا فلسطينيةِ ..وكرهي للحُكومة السَّابقة لا يعني كرهي لكل شعِب مصر !! ..
الحكومة إشي منفصِل تماماً عن الشَّعب ..
يعني شعِب مصر زيو زي غيرو ..فيه المنيح وفيه العَاطِل ..ومُستحيل أكرهـ أي شعِب في الدنيا بسبب والله الحكومة مش منيحة ..أو إني قابلت وحدةِ مصرية مش منيحة ..فسرت أكرهـ كل المصريين ..لا أبداً ..
يعني أنا وحدةِ من النَّاس ..قابلت مصريين زي الزفت ..الواحد ما بتشرَّف فيهم ..وكرهتهم بصراحة ..
بس ما كرهت كل شعب مصر أبداً ..شعب مصر زيو زي غيرو في منيح وفيه عاطِل ..فيه غشَّاش وفي نذل وفي ظالم وفي عميل لإسرائيل وفي ناس عندها شرف وكرامة وإنتماء للدين قبل الجنسية والبلد ..وفي نآس الوَاحِد بتشرَّف إنو بيعرَفهم ..
وبصراحَة بعد الثَّورَة المصرية ..يعني سرت أحس إنو مُعظم المصريين كِبروآ بعيني وكِبروا بعيون العَالم ..
أثبتوآ إنهم رجآل وقادرين يسمعوا كلمتهم للعالم ..وينفذوها ..وأنا حكيت مُعظم ..لإنو في كتير مصريين مش منآح ..
زي مافي فلسطينين مش مناح وسعوديين مش مناح وسوريين مش مناح ..عآدي موجود بكل شعب هيكْ ..

وبعدين انا من قبل الثورة ..كنت احس بعكس شعورِك تماماً ..
يعني شوفي لما مُنتخب مصر فاز قبل كم سنة في كأس أفريقيا ..كل غزة طآرت من الفرح كرمالكو..
ولمَّا إتنحى حُسني مباركْ ..كل فلسطين قامت ما قعدت مِن الفرحة ..كرمالكو ..
المصريين رجآل بيرفعوآ الرَّآس ..

يمكن صديقاتِك ..قابلوآ وحدةِ مصرية مش منيحة ..فصآروا يكرهوا كل الشَّعب ..ههههههه
هالعقليات بحسها جاهلية جداً بـ صرآحة ..تفكيرهم غريب ..الله يهديهم ..حاولي تفهميهم إنو مش كلكم هيكْ ..

الله يديم المحَبة والمودة بيننا وإحنا إخوة إسرآء ..إخوة في الدين لا تنسي ..وعمرها الحدود إلي حطها المُستعمر ليفرقنا عن بعض حتكون عآئِق أمام الأخوَّة

رآئِع موضوعِك ..شكراً كتير ^^