[ ؟ ]

[عاشق البندقية]

بصراحة،.. هههههههههه

قلتلك راجعلك عشان أفكّر شوي،..

هلا ريّح حالك شوي عشان أحكيلك قصّة حياتي.


الموقف هاد ما صار معي، صار قدامي،..

طرفين...

الفرق بينهم شاسع بكل شي،..

الأول: خالي، رجّال كبير ملتحي وملتزم، وأنا بعتبرة من الشخصيات المميزة بحياتي، وقدوة إلي في مسائل كتير.
الثاني: إبن خالي الصغير "موسى"، عمرو ٣ سنوات ذكي جدا ومحبوب بشكل كبير.

صورته ^^



كنت وقتها عم بسجلّو فيديو عرسو على سي دي، وقعدنا نحضر وإبن خالي الصغير معنا مع أختي وبنت خالي.
فسأل موسى أبوه نفس هاد السؤال بالزبط " بابا وين أنا ؟! "
فدار بينهم الحوار هاد:

;

موسى: بابا وين أنا، بـــابـــا.... وين أنا؟
خالي:بابا أسكت هلا، ...... انت ما كنت جاي لسا!
موسى "بعد ثواني": ليش وين كنت؟؟"
خالي "بعد صمت قصير" قال بهدوء: بابا ما كنا مخلفينك لسا، لا انت ولا مخلص ولا ... ولا،،
موسى: شو يعني؟!
خالي: هلا بابا صح انت إبني؟!
موسى: اه...!
خالي: طب وين إبنك إنت؟؟؟
"موسى هون صفن صفنه طويلة وضحك لإنو واضح مش فاهم شي من الطبخة"

خالي: بابا عشان الواحد يجيب ولاد لازم يتزوج، وهون إحنا عم نتزوج،.. يعني ما كان لسا عنا ولاد، لا إنت ولا فلان ولا فلانه.
(طبعا خالي هون بدو يبين إنو بفهم بس طلعت عراسو)

هنا بيجي السؤال الصاعق

موسى: بابا كيف الواحد بجيب الولاد؟!!
بهاي اللحظة لاحظت خالي وهو بلع ريقه وقال "حسبي الله ونعم الوكيل".

خالي: بابا لما الواحد بيتزوج، ببوس مرتو، فبسير ببطنها بوبو... وبتولدو...
"بهديك اللحظة كمان لاحظت موسى صفن وسرح بخيالو وسكت ما سأل أي سؤال"

------

الخلاصة أخي شهيد،..
السؤال هاد بتقدر تقول عنو انو "تربيتك لإبنك"
وأفضل شي إنك تفهّمو بشكل بسيط وتكون سلس معاه، يعني "خدو عقد عقلو" بالنابلسي هههههه
فبالنهاية هاد السؤال بيجي بفتره قصيرة من حياة الطفل، وبالنهاية حيكبر شوي وبزيد وعيه ولحاله بيفهم

هادي الأمور ما بعلمك ياها أبوك ولا إمك ولا خالي، الحياة هي اللي بتعلمك ياها =)

وإحتراماتيـــ يا باشــــاــــ



"معلومة صغيرة"
تاني يوم إتصل فيي خالي وكان فاقع من الضحك،..

"ولك الولد عم بيعيط لأمو، لإنو باس بنت عمو وما عملت بوبو"