وقـآلها بـ كل تأكيد ووضوح ..|روح إبتعد ما أبيك محنا حبايب|.. «شعر Mp3 ..

[мℓααтн]

..
السـلآم عَـليكم ..

حَـبيت يكـون لي قـلم يؤثـر بالمنتدى ..

أممممممممم ..

موضـوعِـي هو عِـبارة عن قصـيدة من ذوقـي ..

بـ كـل أمانه القصصـيدة رووعه .. من ناحية كـلمات .. آداء .. موسيقى ..

أتمنى أن تنال إعججـأبكم .. : )

.. كَـلمات القصـيدهـ ..

---
ذبحتني ماعاد في داخلي روح
وخيم سماي الحزن وإنت السبايب
وكسرت خاطر من يحبك ومشفوح
يبغى لقاك وعود اليوم خايب
كسرة زجاجٍ طاح من عالي إسطوح
من يجبره لاصار كسره حطايب
ورميتني في غب الاحزان مجروح
ولا ظنتي جرح الهوى منك طايب
أضحك وأبادل راعي المزح بمزوح
والقلب من جواي ينقص صوايب
الحظ مقفي وباب الاوجاع مفتوح
وحالي وعيني تستهل التعايب
والدمع من عيني على الخد مسفوح
والراس من كثر الهواجيس شايب
برق الشقا بعالي سمايا بدأ يلوح
وهلت همومي مثل هل السحايب
حبيت وأثر الحب مامنه مصلوح
خصٍ ليا حبيت والحب عايب
حب من طرف واحد من صدود وجنوح
من واحدٍ من حبه القلب ذايب
أنا وصلته وصل غالي ومشفوح
وطبع الوفا باللي مغاليه غايب
جنب وخلاني على الجنب منزوح
وأقفى وخلا نار شووقي لهايب
وقالها في كل تأكيد ووضوح
روح إبتعد مابيك محنا حبايب
والمشكله مقدر على الهرج والبوح
من حيرةٍ بلشان ذقت النشايب
أخاف لاسبتني مع الناس مفضوح
وسود الوجيه تحط فيني العوايب
مدموح ياخلي عن الزل مدمووح
مابه ملام الحب مابه غصايب
مألوم محبوبي على الصد مسموح
ألوم نفسي ليه جبت المصايب
وليه أنا أخترته هوى البال مملوح
وعزيته أكثر من عزيزين القرايب
يازين ماني عن محبتك منصوح
ولاضنتي بأنسى وعن الحب تايب
أقولها في صوت مبحوح بلحوح
سنين عمري راحت لجلك نهايب
طيفك يراودني ولاهو بممسوح
ركز على التفكير صرنا صحايب
وإليا سمعت إسمك طرب خافقي طموح
ويدق قلبي مثل سير الكتايب
ياويل حالي وين أبا أهيم وأروح
والياس في قلبي ينوخ الركايب
تحطمت دنياي ماعندي طموح
وطاار الأمل كالريش وسط الهبايب
وصفت أنا قصـة محبته بشروح
ولاغيره يحوش الدواء والطبايب
بقعد حياتي كلها ارجيه وأنوح
عزوبي ولو هلوا علي الترايب
وإن مت خطوا قصتي داخل اللوح
وغزوا لي اللوحه بجنب النصايب
وقولوا سبب موته من فلان مذبوح
عساه من عقبي يذوق العقايب
---

التحميل .. : )
بـ إسمي وبـ إسم المنتدى ..
من هـنا ..

http://www.mediafire.com/?bg1cb8tkmbiv5mp

نــسيـت أقول .. إسم القصيدة ذبـححتني ..

لآ تنسـوو التقييم .. : )

كل الود .. : )