نقاش .. هندسة ولا طب ؟؟

[.. ريتّـــا ..]

حسام إنت ناقم ع الأطباء بشكل مش طبيعي ..
ممكن أعرف كيف إمك ولدتك؟ :) هههه الله يخلّيلنا الأطباء

بالنسبة للدراسة الجامعية
الطلاب في منهم بيفكرو زيي إنو بدهم مهنة تأكلهم خبز وتعيّشهم مرفّهين
مش يدرس ويعلق شهادته بالبيت ويتفرج عليها ويقول الحمد لله درست التخصص اللي بحبو
طب وبعدين؟ إنت بدو يصير عندك عيلة مسؤول عنها .. من وين بدك تطعميها؟
ما علينا ..
وفي طلاب تانيين أقرب مثال إخواتي اللي بالبيت
عندي أخ مخرج سينمائي وفات هالتخصص لإنو بحبو
لكن فرصة العمل علامة استفهام .. أوك حتكون متاحة وفيها ابداع وع العين والراس بس المسألة حظوظ
يا بتقف من أول الطريق يا بنصه
يا بتضرب معك من فرصة وحدة وبتعيشك كل العمر
عندي أخت تانية بتدرس تصميم أزياء
طب يا عيني إنتي شو حتشتغلي بس تتخرجي؟
فرص العمل مش ولا بد .. مع إنو الشغلة بتحبها بس مش كفاية .. الواحد لازم يفكر لقدام
بعض التخصصات ممكن نمارسها كهوايات
فما نتبع عواطفنا بالمواضيع الجدية .. نفكر بالمستقبل بطريقة عملية أكتر

وسواء طب هندسة محاسبة بطيخ كل واحد بشوف اللي بناسبه أو طموحه وقدراته وين وبيختار

حسام تقعدش تقول دكاترة اليومين دول فشلة .. احترمنا ع الأقل .. لسة مصرتش مهندس لتشوف حالك علينا