نقاش .. هندسة ولا طب ؟؟

[حسام المصرى]

طبعا ..

بيدخل الطلاب الثانوية العامة وبيكون حلم كل منهم لو كان علمى رياضة أنه يدخل هندسة .. ولو كان علمى علوم أنه يدخل طب أو صيدلة ..

وتقريبا معظم الناس أحلامهم هيك وكأن الكليات التانية ملهاش مستقبل ..

عموما .. دخلت فى نقاش مع فنى يعمل فى أحد شركات البترول .. فجه الكلام على موضوع الهندسة والطب ..

فبيقولى هو أنتا مدخلتش طب ليه ... بدل الشغل ده فى البترول والهندسة عموما صعب ومحتاج مجهود جامد جدا .. قلتله بالنسبالى شايف المستقبل فى الهندسة .. حاليا بسبب الركود وضعف مرتبات الأطباء ونسبة قليلة جدا بتكون ناجحة ..

ودراسة الطب 7 سنوات بعدها ماجستير ودكتوراه .. والواحد بيتخرج عمره 27 و 28 كمان لما يخلص جيش .. ولسة بيكون معملش أى شئ فى الحياة .. وبيلبس نضارة وحالته بتبقى حاله ..

المهم قالى .. بس الدكتور تحس ليه هيبة فى كل مكان ومنصب اجتماعى كده كبير غير المهندس .. قلتله لا أنا شايف أن المهندس ده ميفرقش خالص بالعكس الهندسة علم فيه إبداع ومتفرع جدا حتى فى الطب ..

بعدين سالته طب لو اتقدملك لبنتك مهندس ولا دكتور تفضل مين .. قالى الدكتور طبعا

الدكتور لو كويس أخلاقيا وعنده عيادة وكده يبقى أحسن من مليون مهندس .. قعدت الإهمه أن الطريق ده محتاج سنين كتيرة جدا جدا .. مصدقش ..

انتم بقى إيه رأيكم أولا ..

فى موضوع أن النزاع دائما بين الطلبة والحلم بيكون على طب او هندسة ..؟؟

وشايفين مستقبل البلد كلها حاليا بيحتاج مين .. ؟؟

والطب أنا بشوف أنه الإضل للبنت أكثر من الولد .. أنتم شايفين إيه ؟؟