رحلتى إلى البحر الأحمر ~

[حسام المصرى]

طلعت يوم 18/ 9 /2011 .. تدريب فى إحدى شركات البترول الاستثمارية وهى شركة سوكو .. والشريك معها ألمانى وهى شركة rwe العملاقة ..

المهم .. أترككم مع الصور

أدى صورة الأتوبيس اللى رحنا فيه .. الأتوبيس شكله تعبان .. بس هو شئ تانى من جوه وسريع جدا ورائع ..

كان معايا فى الأتوبيس مهندسين وفنيين على أعلى مستوى ..




لما وصلنا على العين السخنة .. طبعا لقيت بورتو سخنة جمبنا .. فصورته بعدستى وشئ رائع .. وطول الطريق البحر الأحمر أو خليج السويس بينه وبيننا يدوب 2 متر .. والدلافين يا نهار أبيض على روعتها وهى بتضرب غطس فى المى بطريقة رائعة ونظام بس معرفتش أصورهم .. للأسف



ودى صورة من على النت توضحلكم روعته وأد ايه أنا كنت مذهول من الجمال ..



دى بقى لما نزلنا استراحة .. عجبنى المنظر فصورت



فى الاستراحة .. لقيت العربية دى .. فيها قوات خاصة مصرية وصاعقة .. تقريبا كانوا رايحين الغردقة منظرهم بيرعب ..÷ههه



أدى لما وصلنا مقر الشركة .. وحدة معالجة الزيت ..



دى بقى وحدة الإعاشة .. او المكان اللى بنبيت فيه .. وهو قريب من موقع العمل . بس مش مجهز بدرجة كافية زى بقية الشركات اللى رحتها .. وده بسبب أن عدد العاملين قليل فى موقع رأس فنار .. اللى رحتله .



ده الكرفان اللى كنت ببيت فيه .. حلو وفيه سرير جميل وتكييف وتلفاز ودش .. بس أكيد مو أحسن من الفلل اللى فى معظم شركات البترول ..



دى بقى البحر وظاهرة فيه البريمة اللى لسة شغالين فيها work over يعنى البير لسة مأنتجش زيت فيها ..


ده بقى ال platform .. بعد ما البير ينتج بيتشال البريمة ودى ببتركب فوقيه وبتحط بقى عدة الإنتاج .. وأهمها الطلمبة .. وبيوصل من المنصة دى لوحدة المعالجة خطوط انابيب لنقل الزيت لمعالجته ..



ده بقى مكانى المفضل فى الشركة .. فى مكان المعيشة على البحر علطول بقعد .. طبعا فيه سلك شائك وممنوع ننزل البحر لأن المنطقة دى منطقة حدود .. ويفصلك عن سيناء 29 كيلو .. هو طول الخليج حتى يمكن الوصول للضفة الثانية .. بعدين البحر لحسن يكون مليان أسماك قرش ولا حاجة كمان المنطقة حرس الحدود بيراقبها وأى حد غريب بيضرب بالنار .. وكمان لما سمعت خبر أن الحوت لقوه فى الغردقة اترعبت أكتر لانه بيننا وبين الغردقة 100 كيلو ..




أدى الفيديو الى خلانى أخاف أنزل مثلا بتصريح .. حتى


http://www.moheet.com/2011/09/18/%D8...-%D8%A7%D9%84/


طبعا ده وانا فى الموقع .. ودى الصورة الوحيدة اللى صاحبى تمكن من التقاطها لان بتاع ال safety بيبهدل الدنيا .. أنا اللى فى النص .. لابس الخوذة وجمبى مهندس السيفتى .. ومهندس بترول ..



باقى الصور فى المشاركات القادمة .. اصبروا عشان هتضحكوا دلوقتى ..÷ههه