رحلتى إلى العلمين ~

[حسام المصرى]

امبارح .. كنت فى رحلة إلى العلمين .. مع الأخوة فى المسجد .. يعنى بعيدا عن الاختلاط وعشان الأخوات كمان لو بدهم ينزلوا الميه ويكونوا براحتهم .. الناس بسيطة والرحلة بسيطة خالص واستمتعنا جدا وحصلت كتير من الأحداث ..


البحر









دى بقى المنطقة اللى أدام البحر .. موجود فيها مقابر الألمان اللى ماتوا فى الحرب العالمية .. ومن المعروف ان منطقة المعلمين موجود فيها ألغام حتى الآن ..






الشباب بيلعبوا ..





الأتوبيس غرس فى الرمل طبعا .. كتير أوى >> ,وكنا كل مرة بنطلعه بالعافية .. بقوة الإيمان .. ^_^



الأتوبيس جرى وسبنا .. لأن السواق اتخنق ..



الناس بتمشى رايحة للأتوبيس بعد ما راح بعيد عننا ..



الشباب بيلعبوا كورة .. هوبا على الكوبرى الجامد ده



دى بقى .. حنين .. بنت زى العسل قبل الرحلة والبحر وكانت بيضا هههههههه بعد الشمس يا عينى والرملة والبهدلة وخصوصا ان مفيش ميه عذبة .. صارت بنت جاية من تحت الانقاض



وده .. حسام المصرى .. بيستعبط ..





كمان حصل فى الرحلة للأسف ان واحد مننا اتحبس لأنه مسك فى عسكرى جيش طلب مننا أننا نمشى لأن المنطقة دى جيش .. ومأفرجوش عنه غير لما جه قائد الكتيبة .. وقالنا لو كان اضرب بالنار مكنش هيحصل على أى شئ لان حرس الحدود مصرح لهم الضرب بالنار بدون أخذ اوامر .. بس الحمد لله عدت وقائد الكتيبة كان راجل محترم جدا .. بتاع 2 متر طول و 1 متر عرض ..÷ههههه

كمان إحساس جميل أن يكون فيه شيوخ كتير زوجاتهم المنتقبات ..عن جد انبسطت كتير ..