شباب فلسطين .. بصراحة ومن الأخر

[حسام المصرى]

بسم اله الرحمن الرحيم ..

أنا اتعودت أنى أقول وجهة نظرى دائما ..

وبصراحة حاسس أن منتدى شباب فلسيطن المواضيع الترفيهية فيه كتير جدا جدا .. لدرجة أن المنتدى أصبح ترفيهى بحت ..

أى نعم .. !!

أنا ليا كمان نسبة مشاركات فى الترفيهى كبيرة ..

ولكن ده بسبب أن الجو العام على المنتدى هو الى بيخلى كده ..

بس ده ميغفلش أنى الحمد لله .. من أكتر الناس اللى عملت مواضيع سياسية ..


أنا بس ملاحظ أن الناس مش بتهتم بالمواضيع الدينية أد كده .. وكذلك السياسية ..

بس خدوا بالكو أنه والله اليهود وأعداء الدين فى منهم كتير أوى بيكنوا موجودين على شبكة الانترنت والمنتديات العربية وفيه منهم بيتفرجوا وبيشاهدوا .. وبيشاركوا كمان

ولما بيشوفوا الشباب ترفيه فى ترفيه علطول بيقولول ابسطوا الشباب العربى غافل جدا ..

أنا صراحة نفسه المنتدى كرسالة وهدف يكون ليه خطة .. للتثقي السياسى والدينى وبدنا كلنا نستفيد ..
الترفيه أوك مباح .. ولكن كل شئ زاد عن الحد انقلب للضد ..

دلوقتى مثلا فى الدين ..
أنا مثلا أعرف حاجة أقولها .. أسد كذلك ممكن يشرحلنا عقيدة أى شئ يزود ثقافتنا ..


كمان ليه ميبقاش دورات تثقيف سياسى .. يعنى كتير منا ما يسمع مصطلحات .. ليبرالية رأس مالية واشتركاية وامبرالية وعولمة وعلمانية ... فى ناس مش بتفهم الحجات دى ..


وأكيد احنا المفروض شباب واعى ومثقف لازم يكون عارف فى ده ..

الموساد .. كان عامل برنامج على النت .. بمجرد ما تحمله بيبتدى يسجل كل الايميلات اللى أنتا بتدخل بيها ويشوف آراءك ويبتدى يتابعك .. وكانوا مستهدفين مصر خصوصا بعد ثورة 25 يناير بدهم يشوفوا الانطباعات ..


والحرب القادمة .. حرب مخابرات أولا ...

كذلك بتمنى تتناقشوا .. فى مواضيع الاستيطان فى فلسطين .. وحماس .. ورأيكم فى المصالحة .. كل الأشياء دى اليهود بيعرفوها والله وبيسجلوا انطباعتهم ..

ياريت نساعد نفسنا .. بدل محنا مش حسين .. لأن فعلا شباب فلسطين لازم يكون متدين متعلم مثقف سياسيا ... وهذه هى الرسالة الصحيحة ..

اعذرونى قد أطلت حوارى ولكن من غيرتى ومبدأ للنصيحة فقط ..
من الممكن أن يختلف الكثيرون مع رأيى .. ولكنى لم أجد أى حرج فى قوله ... ولم أقصد الإساءة لأى فرد ..

ولكنا ربما جملة رآها شخص فى وقت .. تغير حياته بالأكمل عن تجربة .. وفقكم الله