شوية نكت على مزاجك ........................!

[ابراهيم نصر]

شيطان ندل,عزم اصحابة الشياطين على العشاء,دخلهم الاوضة وقفل عليهم وراح مشغلهم قرأن


مرة واحد قال لصاحبه عارف الشمحاف الي في الشمخاف الي في البلكونة قله يعني ايه البلكونة


بيقوللك ثلاثه مساطيل بيحكو مع بعض, اول واحد بيقول: انا لو معايا فلوس اشترى امريكا الجنوبيه , والتانى : قال وانا لو معايا فلوس اشترى امريكا الشماليه, فرد الثالث: ومين قالكم انا هبيع


واحد حب يشرب سيجارة حطها ف كباية

واحد كهربائى..ابنه سخن ركبلة ترنس


في نكتة حبسوها.... ليه ؟؟؟؟

موتت واحد من الضحك

واحد صعيدى عينوه مدير ملجأ أيتام اول قرار اخده اجتماع لأولياء الامور

فيه ديك بيجرى بسرعة ........ليه؟؟ عاوز يلحق الاذان


قهوجي اشترى عربية جديدة ...طلع كراسيها برة


واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين

الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه



واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة

وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدور


واحد بلديلتنا نزل مصر ووقف تاكسى وقاله فاضي يسطى ؟؟ قاله السواق ايوه فاضي ..
قاله بلديتنا طب متنزل تقعد معايا على القهوه شويه


مرة واحد فتح محل انابيب ..فجر انبوبتين فى وسط البلد دعاية


رئيس عربى فى مرض الموت قاله السكرتير الشعب جاى يودعك يا ريس

قال الرئيس ليه هو الشعب مسافر ولا إيه


واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح

، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه