{ .. يــومــيـــآت عــلـــي الــطــريــــق مـع حـورية فلسطين ••

[بسملة]

سلـآآآم عليكم ورحمة الله وبركاته ‘

هسه في بالي موقفين واحد بايخ والتاني قريب من البياخة
فإنتو اختــاروا

على الهامش دوشوا راسي الجيران بعملوا ترميم لبيتهم والشمسو بنخر براسي نخر


المهم نرجع لموضوعنا ؛

في يوم قررت أختي الكبيرة تعزمنا أنا وسلوم والصبايا ع بوظة عند كـاظـم بعد ما زبط وضعه وصار مكان محترم وراقـي

رحنا وانبسطنا وقعدنا زي الناس المحترمين وهاتك يا خراريف ـ
كانت زاكيـة والله كتيـر ـ بس شكلها ندمت من بعدها وقالت حريمة ازا بعزمكم بعد هيك

ولانه بيتنا قريب ـ فروحنا مشـياً على الأقدام
صبايا حلوين بتمشوا بشارع الجامعة

وشوي قربنا نفترق هي وبناتها على بيتهم وانا وسمسم ع بيتنا ـ
فهمست بأسال اسلام ولك ما بدنا نقول لاختك يسلمو كتير على العزيمة بصوت منخفض وحنون
عشان ما يسمعوا ـ
لهي بتحكيلي لا مش هسه استني بس نوصل المفترق بنحكيلها وبنسلم عليهم وبنروح ـ


خلتنا نمشي شوي لهي اللئيمة بتقول يسلمو ايديك على العزيمة ولك طيب لسه ما وصلنا المفترق
بدها طلعني بسواد الوجه وان هي المنيحة الزوء ـ

اطلعت فيها ـ ما على اساس بس نوصل المفترق !
فسألوا شو قصة المفترق ـ وبكل براءة حكتلهم اني مظلومة وهي اللئيمة

صاروا يضحكوا عليّة بنص الشارع ـ يلا يلا معلش تعيشي وتاكلي غيرها ـ
ولما وصلنا المفترق سلمت على أختي وبدي امشي لهي بتحكيلي يعني ما قلت يسلمو ع العزيمة
ما صدقت التانية ـ قلتلها خلص هي سيرة ـ بدك تزلي الي خلفوني بعزيمتك يعني

بس لما روحت ع البيت بعتلها مسج ان يسلمو كتير انبسطت بالعزيمة ـ

وخلصت قصتنا الحزينة