][ شات القنوات الإنشادية / على بساط البحث ][

[PaLeStiNe FlOwEr]

][ شات القنوات الإنشادية / على بساط البحث ][

رح ناقش بالعامي لتوصل الفكرة ..

القنوات الإنشادية تعددت وجميعها تحتوي على شات ..

الشات بمثل هيك قنوات ممكن يكون مفيد مع انو مو لاقية سبب مقنع لوجودها غير اسباب بسيطة جدا ..

المزح والضحك و و و موجودة بالكل , والكنترول شب , وأغلب الي بيشاركوا بنات ..

الحكي والنقاش الي موجود بالشات ,, ولا مرة لقيت شي مفيد فيه حقول أغلبو ضحك ومسخرة..

يعني بعض الكناترة معطيين عين زيادة للمخلوقات

بتيجي البنت مثلاً أخي أحبك في الله
أخي ومشيناها طيب حبيتك ومن هالقصص شو دخلها بالنص ..
وياريت بتوقف ع هون ,, الكنترول بيجي بقول وأنا كمان

والحلو بالموضوع بيكونو عارفين حياة بعض قد ما بسئلو ,, امك وأختك وابوك وجدك وشوي الجار الي بأخر الشارع

ولا لما تيجي بنت دلوعة تقول انت زعلان مني ما عبرتني ما رديت علي بمسجي السابق وتتغنوج بكم كلمة

ولا وحدة تقول خروج وانا زعلانة منكم << يا ربي ع اللقافة وقتها

ومرة وحدة بتعاتب كنترول ليش خطب قبل ليقوللها ,, قال كان انا دورتلك << كان دلتو ع حالها

والمصيبة الأكبر اسماء المسجلين

بتكون كاتبتلي عاشقة .... ومحبة .... وروحي في ..... وموش عارفة شو كمان

في برنامج ديني بيجي ع الراديو بحب اسمعو كتير ,, المهم طبعاً في كتير نسوة وصبايا بيقلو شيخ أحبك في الله ..

فمرة ناقشو الموضوع وأغلب الشيوخ اعترضوا هالجملة ..

يعني بتنقال من ذكر لذكر او من انثى لأنثى

بس كلهم انكروا من ذكر لأنثى او العكس

يعني الأخوة غير عن الحب ..

شب من شات من نت من منتدى من قناة من الشارع من الجامعة يعني كلو زي بعضو ,, يفضل الأخوة ..

بس ما شاء الله أخوة هاليومين نص كم ..


دايما بناقش هالشي ببالي يعني الواحد صار يقرف يحط على بعض القنوات من دلع الناس ..

شو سبب هالظاهرة المنتشرة ؟!

يعني السبب من الكناترة الي المفروض يعملو شوية حدود ولا اخلاق الناس شوية بدها اعادة صيانة ؟!

الشرع والدين شو موقفو بهيك أمور ؟!

اسئلة كتيرة بتراودني بهالموضوع !!



بانتظار آرائكم ..~