العيال السيس .. والمزز

[حسام المصرى]

مصلحين العيال السيس والمزز .. مصلطحين ظهروا فى مصر وانتشروا لجميع الدول العربية كالعادة ..


عموما .. فعلا ظهر كتير حوار العيال السيس دول .. وبقيت تقدر تحدد شخص وتقول مثلا .. الواد ده بينه سيس .. او لو بنت بمواصفات معينة كل الشباب يعرفوهوا تقدر تقول البنت دى مزة ..

عموما الموضوع مش للضحك .. ولكن تناوله بطريقة فكاهية أفضل ..

الشاب السيس ..
للأسف يا جماعة .. دلوقتى تلاقى الشب ولا فيه أى ريحة منا لرجولة خالص ..

مسقطلك البنطلون .. ولبسه عامل زى البنات وضيق ... والشعر بقى .. تلاقيه عملك شهره كنيش وهايش .. أو اللى يحطلك كل يوم نص كيلو جل فوق دماغه .. عشان يبقى حلو ولذيذ ..

غير استايل تانى وهو استايل بتوع الراب والايموز الى انتشر جدا للأسف .. الواحد بيشوف العيال دول وبيحزن أوى والله .. دول شباب هيبقوا مسئولين أو يقدروا يعملوا حاجة ..

بس أفكر واقول يقدروا يعملوا مع المزز ..

بنات كتير بتبقى عايزة تنزل من البيت عشان تبقى مزة .. وتفرح لو واحد قالها يا مزة .. وأشياء كتير تخليكى تبقى مزة .. نص كيلو ميك أب كل يوم .. وشعر ولبس ضيق ومسخرة .. حتى المشى بيبقى بطريقة مش كويسة ..

وكمان ممن تلاقى بنات لبسة تشيرت مكتوب عليه ألفاظ خليعة والله .. وماشية عادى ..

بتعملى كده ليه ياماما .. كل ده عشان تتجوزى .. وأنتا يا سيس بتعمل كده ليه .. عشان تعجب المزة ..

للأسف هم يضحك أحيانا ما نراه ...

هل قابلك بعض العيال السيس دول ؟؟
ايه رأيك فى العيال السيس ؟؟ وتفتكر ايه الى خلاهم كده ؟؟
ايه رأيك فى المزز .. وبرده ايه اللى خلاهم ينتشروا ؟؟

دورنا كشباب وآباء ايه ؟؟ ومجتمع ؟؟

أنا عن نفسى .. ما بحب اصاحب واحد عملى شعره زى الغوريلا أو حالق حلاقة بيقلد فيها حد .. عشان الناس متقولشى عليا سيس زيهم وعشان ده غلط أساسا ..


منتظر آراء الشباب فى المزز ..
والبنات فى العيال السيس ..