هتسمع أناشيد تانى ؟؟!!

[حسام المصرى]

أتذكر من قيمة 3 سنين أو 4 سنين ..

كنت بحب الأغانى جدا وبسمعها وكان أى ألبوم بينزل لازم احمله لأى مغنى مهما كان .. وكان حجم فولدر الأغانى عندى 20 جيجا أو أكثر ..

المهم جه يوم حسيت أنه فعلا حرام .. ومسحت الفولد ده كله بدون تردد ومن سعتها مبسمعشى أغانى .. يمكن بس فى الشارع أو ميكروباص غصب عنى .. أو أغنية وطنية .. مثلا ..


لما سبت الأغانى حسيت برده أنى لازم أسمع حاجة .. ولما اشتركت هنا فى المنتدى حببتونى أوى فى الأناشيد لدرجة أنى بقيت احمل كتير أوى منها وعامل فولد إسمه الأناشيد ..


بس تصوروا .. والله برده فضلت محتار .. وحسيت أن الأناشيد حرام برده نظرا للموسيقى اللى فيها .. وسعتها عملت موضوع هنا فى المنتدى .. موسيقى التواقيع حرام ولا حلال .. لو تفتكروا .. والناس طلعت أن الموضوع فيه اختلاف ...


لكن يا جماعة الأمر واضح ببساطة .. مفيش فرق كبير بين الأناشيد والأغانى ... ووالله سمعت اناشيد ى الأغانى بالظبط .. وآخرها محمد بشار اغنية مصر .. وكذلك فيه لعمر الصعيدى أناشيد كلها موسيقى وللعوينات زى أنشودة عينى ... وكمان كلمات بعضهم رديئة جدا جدا ..

وقناة زى طيور الجنة صدقونى لو تغير منهجها هيبقى أفضل لجيل الأطفال ..
يعنى مثلا أنشودة يا طيبا .. فيدو كليب جميل جدا ومثؤات جميلة جدا وحتى رقص حلو .. يفيد الأطفال ..

لكن أغانى تانية كتير مليانة موسيقى وكلماتها تجيب للاطفال هبل والله وبدل ما تخلى العيال تنضج تخليها تتعلم الرقص .. وتحضر حفلات بقى والموضوع أصبح تجارى بحت ... ومستفز جدا صراحة ..


فيها إيه لو سمعنا أطفالنا الأناسيد الجميلة زى الله غايتنا .. نحن الذين بايعوا محمدا .. كبرى يا جبال .. سنخوض معاركنا .. يا اختنا فى الله . تؤمل انك يوما تتوب .. وغيرها من الأناشيد اللى تربى جيلنا على الحماسة وحب الله ونصرة الدين وتجعل منهم رجالا ...


عموما الكلام المرادى أنا مقتنع بيه جدا .. وياريت تبحثوا .. عن رأى جميع المشايخ وهتلاقيهم متفقين ..
وأدى رأى حبيبى فى الله شيخنا محمد حسان ..

http://www.youtube.com/watch?v=hlNkasQfk0I

أنا قلت اللى يريح ضميرى .. لو اقتنعتم بيه واتبعتوه فيبقى اتبعتم الحق وده شئ كويس .. لو متبعتهوش يبقى يكفينى التبليغ ..


وجزاكم الله كل خير ..