هل فتاة النت سيئه؟؟؟ ولماذا يرفضها الشباب؟؟؟؟؟؟؟؟؟

[حسام المصرى]

من وجهة نظرى المتواضعه ..

النت عالم كبير والنفس أمارة بالسوء .. سواء كان مستخدمه ولد أو بنت ..

بس يمكن فى موضوع البنات ده بالذات البنت بتكون أخده الموضوع بجد انها تحب واحد وتتزوجه .. لكن الولد بيكون آخد الموضوع تسليه أو تضييع وقت مش أكتر ..

وده اللى بيخلى للأسف البنت سلوكها بيتغير بالتأكيد باستخدام مواقع التواصل زى الفيس بوك اللى سهل كتير أوى التواصل بين البنات والشباب ..وغرف الشات أيضا ..

كمان معروف أن البنت اللى بتقضى وقت كتير على النت على نوعية معينة من المنتديات وبتهزر بقى مع ده شويه وده شوية وتعلق على رد شخص وتقوله أنا معجبة كتير بكتاباتك مثلا .. أنتا مبدع ملكش حل .. حوارات زى دى .. بتخلى لعلاقة بين الولد والبنت تظور أكتر ..

والبنت للأسف بتفقد عنصر مهم جدا فيها ألا وهو الحياء ..
أنا شايف أن البنت المفروض متهزرش على النت مع شباب حتى لو محترمين ..

لأن نظرة الشب للبنت بتتغير بسرعة .. وبعدين بالعقل .. طالما شخصية البنت على الواقع هى اللى على النت ومدام البنت مش بتهزر على الواقع مع شباب .. او تحكى .. لو محترمة يعنى ..

يبقى إيه اللى يخليها من الأساسا أنها تهزر على النت .. ؟؟!!

أنا مش بقول قاعدة وبعممها فى الموضوع ده ..

الواحد وجد فى منتديات كتير معظمها دينية بنات ما شاء الله قمة فى الادب والأخلاق والاحترام والمواضيع الهادفه اللى متخليش أى شب يفكر يطمع أنه مثلا يبعت رسالة ليها ..

وبنصح كل البنات المحترمة .. حاولى تقللى هزارك ومواضيع الفكاهة وتعليقاتك على الشباب بطريقة فيها إعجاب ..
صدقينى أنتى ممكن تكونى بتتصرفى على طبيعتك .. لكن الشب هو اللى مش كويس واللى بيفتكرك مش كويسة ..

عن نفسى .. اختى مكنتش بتدخل على النت خالص قبل الزواج غير تتكلم مع صحابها البنات .. لكن منتديات وكلام من ده أكيد لا .. وبعد الزواج برده زوجها مش بيدخلها نت ..

وعن نفسى بتمنى ربنا يرزقنى بنت صالحة حتى لو بتدخل على النت تكون بتحافظ على نفسها من الشبهات المحيطة حولها .. يعنى تكون بس بتتصفح المنتديات الدينية زى المنتديات الخاصة بالمراة المسلمة أو منتديات مثل عمرو خالد ..


ونصيحة لأى شاب حسن من نفسك عشان ربنا يرزقك فتاة حسنة ..
ومتحاولشى تثق فى أى بنت بتكلمك على النت وتحبها بقى وتتزوجها لأن اللى خلاها تكلمك أكيد هتكلم " ألف غيرك " ..

وفى الختام أدعو بالهداية لى ولجميع شباب المسلمين