أنا شيعية ..ليش بتكرهوني

[دموع الغربة واشواق العودة]

أنا شعيعية ......ليش بتكرهوني ..!!!

بس لا تسدقو ..أنا مسلمة (سنية) ..

بسم الله الرحمن الرحيم ..


نبدا في الموضوع ..


لاحظت في الفترة الأخيرة انتشار ظاهرة ..غريبة ..


والأغرب إنها مواكبة للثورات الحاصلة في عدد من الدول ..( الله ينصرهم) ..


الشيعة ..و..السنيين ..


صار الي بيفهم والي ما بيفهم ..يحكي عن الشيعة


ويكفرهم ..ويسب معتقداتهم ..ويلعنها ..


وين مارحت ..


كل معلمة تدخل علينا ..لازم تتفلسف ..


وتعبرلنا ..عن مدى كرهها وحقدها عليهم ..


وتتفلسف ..عن معتقداتهم واركانهم والأشياء يلي بيآمنو فيها


وتعتبرهم كفار ..وتقعد تحكينا عن عذابهم يوم القيامة ..


يا جماعة هما مش كفار


بالعكس ..الشيعة إسم يطلق على ثاني أكبر طائفة إسلامية ( الشيعة )


هما مسلمين ..ولو انو مذهبهم خاطئ ومعتقداتهم غلط ..بس مسلمين ..


محسوبين علينا مسلمين ..ليش هالتفريق ..


والحقد


................................... .....


طبعا أحنا مانسينا ..الشيعة الي سبو السيدة عائشة رضي الله عنها ..


بس هدول كم واحد ..صحيح انو عمل كبير ومابينغفر


..يعني مثلا في كتيييير ناس سنيين ما بصلو ولا بصومو وعمايلهم كتيييير بس مسلمين بالإسم ..يعني مش ممكن أحكم ع مذهب او دين ..بمجرد حادثة صارت انا بحكم ع الناس يلي سبو السيدة عائشة من ع المذهب كأساس ..


أنا ماحكيت سامحو الي سبو السيدة عائشة ..لا ..


ولا بدافع عنهم


بس بالمقابل احنا مش المفروض انا نسبهم ..


او حتى نكفرهم ..


هما مسلمين ومصيرهم ماحدا بيعرفوا إلا الله ..


مابيجوز نحكي عن حدا انو كافر من راسنا ..


و هاي المسئلة ما بيتاخد فيها إفتاء شيخ من الشيوخ ..


اما بالنسبة لسبهم ..فهادا مابصير ..


الرسول صلى الله عليه وسلم ..


كانو المشركين يعذبو اشد العذاب ..ويشتموه ويشتمو ربه ..جل وعلا..


لكن ما في ولا نص ولا دليل أجا انو الرسول بيوم سبهم او غلط عليهم ..بالعكس كان يحذر من التعدي عليهم ..


إن الإسلام لايبيح لك أن تتعدى على من يخالفك في دينك ..أو معتقداتك ...


إحنا عارفين ومقتنعين انو ..معتقداتهم غلط ..ومنهجهم غلط ..


ممكن اني ادخل معهم في حوار ودي ..اوضحلهم وجهة نظري دون جرح مشاعر حدا ..والا سوف يتحول بسبنا لهم واتهمنا لهم ..الى نزاع وتخاصم ..حتى يندفع الطرف الآخر للإنتقام لنفسه ..

قال تعالى


((ولا تسبو الذين يدعون من دون الله فيسبوا الله عدواً بغير علم كذالك زينا لكل أمة عملهم ثم إلى ربهم مرجعهم فينبئهم بما كانو يعملون))


مالمانع أن نعيش معهم بتسامح وطيبة وحب ..


مش لازم أنا أسئلك عن مذهبك او عن دينك عشان أحبك ..الرسول عليه الصلاة والسلام ..


كان يحب الكل ..حتى لو مشركين ..


ناسين قصة الرسول عليه الصلاة والسلام مع اليودي ..ذهب عليه السلام ..ليزوره بالبيت ..عندما كان مريضاً ..


يمكن رح تسألوني :كيف نوفق بين إعتقادنا انهم على خطأ ..وبين الدعوة للتسامح معهم ..


رح أجاوبكم بكل بساطة ..


الإسلام زود المسلم بفلسفة فكرية ..لم يفهمها الشيعيون ..تزيح من صدره النفور ..


أولها


الإعتقاد بكرامة الإنسان أياً كان مذهبه أو دينه وأنو أختلاف أديان أهل الأرض حاصل بمشيئة الله ..وأنو المسلم ليس مكلفاً بمحاسبه المخطئين او الكفار على خطئهم ..وغيرها كتير من الأشياء ..


((فمن شائ فليؤمن ومن شاء فليكفر )) ..


((لكم دينكم ولي دين))

أما مابدافع ..عن حدا ولا بتهم حدا ..


انا مسلمة سنية ..فهمت رسالة التعايش والسلام التي جاء الإسلام ليرسخها في العالم

أنا إختصرت الموضوع بشكل رهيب لحتى ماحدا يمل ..


لسا في كتير حكي حابة أحكيه ..


وفي النهاية ..الموضوع معمول إلكم أنتو ..


أنا بانتظار مشاركتكم ونقاشكم ..


سلالالالالالام ..مني ..لكم