لالا-فلسطين 48 والقطط (1)

[لالا-فلسطين 48]

صباحكو انوار..

كيفكو؟!


* * *

طبعا الاشي المشهورين فيو بالعيلة، هو توالي عدد كبير من البساس اللي ربيناها وعاشت بيننا...

كل بسة الها اللي بميزها.. كل بسة الها طقوسها الغريبة وجنونياتها..

وكل بسة راحت الها نهايتها الحزينة...


* * *


بهاي الفترة في عنا بس (ومش بسة) الو عايش معنا 3 سنين.. الله يطول بعمرو...

بعرفكو على بسنا...

الاسم: "نونو".


سبب التسمية: لما اجا عنا كان كتييييييير زغيييييييير وكان شكلو يضحك بس زاكي... كبر وهرش وختير الا انو اسم "نونو" لساتو مرافقو... بالرغم من انو صار هالاسم يعمل مفارقة واستغراب خصوصا عند الناس اللي بيججوا يزورونا وبسمعونا بننادي عالبس "نونو"..

طبعا الا ما يحكوا: "هالبس قد الجحش وبتنادوا عليه "نونو"....؟؟؟؟؟؟؟!!!!!!!!



هواياته: الاكل.. ثم الطشش مع صاحباته بسات الحارة... ثم العودة للاكل من تاني واللعب معنا شوي ومجاقرة الفار "اسباوو" (اه نسيت احكيلكو انو عنا كمان فار) والنوم لوجه الصبح...!!!


اعداؤه: الفار "اسباوو".. لدرجة فشل كل محاولات انشاء الصداقة بينهم وتقريبهم من بعض... واكبرها فشلا عند محاولة البس "نونو" التهام الفار "اسباوو"... بس الله ستر لحقناه عاخر ثانية..!!!!



طقوس غريبة: من وهو زغير قد النتفة كان يضلو يشاكس وازا شافني بكتب بصير يمسك القلم اللي بكتب فيو... فشكيت وقتها انو عندو "اضطرابات سلوكية" (يمكن لانو وقتها كان في عندي استمارات لازم امررها على طفل بعاني اضطرابات سلوكية.. فما لقيت غير بسنا)


اغرب طقس عند البس هي طريقة نومته... غريبة ومش طبيعية...

وكتير مرات لما بنشوفو نايم نومته الغريبة هاي بصير اخوي ينادي علي لاشوفو ونصورو...

واكيد الحكي ما بوصف متل الصور...

بترككو مع الصور... وبانتظاركو مع حلقة (2) من سلسلة "لالا والقطط".......