الشباب والجيش

[حسام المصرى]

كل الشباب بتكون امنية حياتهم لما يتخرجوا من الجامعة انهم ما يدخلوش جيش ..

ومتتخيلوش كم الاحباط اللى بيصيب الشاب من دول لو دخل الجيش ..

وتبقى مصيبة بقى لو 3 سنين ..

يقول بقى أنا هضيع 3 سنين من عمرى فى الجيش ..


وطبعا الجيش مقارنة بعيشة الشباب حاليا حاجة تقرف ..

أنا عن نفسى متعود آكل أكل معين انام متأخر وأصحى زى منا عايز اعد على النت .. اكلم فى الموبايل .. اعمل حجات كتير جدا ..

لكن لو لبست فى الجيش بقى ..

صحيان 4 الفجر وطوابير وتمسك سلاح بقى غير انك بتنام فى عنبر .. بيكون فيه ناس بالهبل وبتتغطى ببطانية ميرى رحتها تقرف زى ما بيتقال .. ههههههه وشعرك اللى بيتحلق .. غير معاملة الظباط ..

غير انهم بيعلموك شهور عشان تعرف تفك السلاح وتركبه غير المشية العسكرية ..

يعنى فعلا الواحد بيضيع عمره فى طوابير .. أدى الجيش ومرتبك 180 جنيه بس ...

كنت بسال ناس شاركت فى حرب 1973 .. كانوا بيقولوا عمر ما الشباب دلوقتى هيقدروا يكونوا زى زمان ..

زمان كانوا رجالة وكانوا بيطوعوا فى الجيش عشان يحاربوا .. مش دلوقتى خوافين ..

بفضل أعد اتخيل لو احنا فى معركة وانا ماسك الرشاش هبقى ماشى زى التايه .. وأى صوت قذيفة على الأرض هطلع اجرى ...

المهم .. دى أسباب عدم حب الشباب للجيش من وجهة نظرى ؟؟

ايه هى الأسباب من وجهة نظركم ؟؟

وازاى هنقدر يبقى عندنا جيش يقدر يجاهد ؟؟

وايه اللى خلى الشباب بقى عندهم استعداد يتجمعوا عشان حفلة لتامر حسنى لكن فى أى حاجة مهمة ميروحوش ؟؟

تناولت الموضوع بطريقة كوميدية حتى يكون النقاش سلس ومرح ...

وفى الختام منتظر آرائكم ..

وادعولى أنى " مدخلشى الجيش وألبس 3 سنين " ..
ولو دخلته .. قدر الله وما شاء فعل ...