[ دمعة آسى ] ضيفُ لَـيالِي شـباب فـلسطِيـن و ثـرثـرةٌ حُـرة

[PaLeSt!Ne SouL]

المشاركة الأصلية كتبت بواسطة لالا-فلسطين 48 مساء الخيرات للجميع!

مساء الخير دمعة... كيف شعورك مع هالتوريطة؟!

مساء النور

شعوري نايس


يعني بفهم انو هاد الموضوع محل موضوع "بقعة ضوء" اللي الو نفس طابع "كرسي الاعنراف"، بس الفرق انو هالموضوع "ليلي"؟!

آه بس الموضوع مش ليلي

عكل حال جمعة خريفية- شتوية ولا أحلى... :)

يا ريت الحرارة 41 امبارح كانت كانك بنص الصيف

ويعطيك العافية اسامة على تنظيم هالجمعة :)

واكيد يا ست أسماء ما بصير امر بدون ما انقطك باكمن سؤال... على كيف كيفك!!!

كم تدفعي مشان اجاوب ع اسئلتك
بتعرفي ما في شي ببلاش هالايام


* * * * *



إليك أسئلتي:

الله يستر اللهم لا سهل إلا ما جعلته سهلا << داخلة ع امتحان

أسماء،

نعم

بما انو مش من فترة كبيرة كتيييير الك مسجلة للمنتدى، وتقريبا بالفترة اللي انا سجلت فيها للمنتدى..

هل من تغييرات جذرية او غير جذرية طرأت على شخصية أسماء، أسلوبها وتفكيرها..؟!

اكيد
مثلا صرت اكثر هدوء نوعا ما
و بحب اختلط بالناس اكتر و احكي معهم و اتعرف ع اشخاص جدد
ولكن بكره اطلع من البيت و الكهربا جاية
بالعادة بعمل كل اللي علي و الكهربا قاطعة مشان لما تجي اقعد ع الجهاز
و بنتعلم منكم كيف نتعامل مع الناس بحياتنا و طبيعة تفكير اشخاص مختلفين عن بعض
و صرت اجامل الناس بزيادة ههه


- - -


بنادوكي ام المشاكل بسبب انو كان هيك اسمك اول ما سجلتي بالمنتدى (متل ما حكتولي)، إلى أي مدى ينطبقهذا الاسم على شخصيتك وفي أي جوانب؟!

في حالات الفرفشة و المزاج الرايق بحب اعمل مشاكل بس مش مشاكل قتال
لا مقالب بصحباتي و نكش راس ع بعض الناس هيك شي

لكن اصله اني تبعت مشاكل بكثرة اسلتي بالجامعة اني بحب اعرف كل شي
بس بطلت - - -


شو رايك لو حكيتلك اني بفترة معينة، بتغدري تقولي بأول سنة اك بالمنتدى، كنت أحس انك شخصية قوية الى حد العدائية، ولمست هالاشي من اسلوبك الجدلي في النقاش، يعني وجدت بعض نقاط التقاطع بين اللقب الخالد "ام الماكل" وشخصيتك على ارض الواقع، آنذاك... بتوافقيني برايي ولا شو؟؟؟؟!!!!!!

امم يمكن
ممكن اكون احيانا بكتب كلام اللي بقراه بحس فيه قوة و نوع من العدائية
لكن لو سمعتي بصوتي بيكون بالغالب بمزح او بهدوء
يعني الكتابة ما بتوصل الشئ بطريقته الحقيقية فهمتي علي




- - -


بعد الفترة المذكورة اعلاه، استغربت اني صرت اشوفك شخصية حزينة وطيبة بنفس الوقت، ويمكن كان هالشي واقعي، شو بتقولي؟!

ههه
اول ما سجلت كنت باجازة بس لما بدت الجامعة اكيد بيبدا النكد
الكل بيحكي اني طيبة سواء هنا او بالواقع و كنت استغرب من هالشي انه كبير علي
بس اكتشفت من جديد اني طيبة لدرجة انه بعض الناس تستغلني او تستهبلني

وليش يا ترى صار هالتغيير، على الاقل من وجهة نظر اللي حوليكي؟!

بالواقع ما في تغيير كبير من هالناحية بس قلت انه الي بيقرا مش زي اللي بيسمع
و ربما باول ما سجلت انه كنت جدية اكتر و ما كنت احتك بكتير اعضاء
بس بعدين دخلنا بالجو اكتر
ممكن لهذا السبب و الله اعلم

وشو اللي بخلي اسماء تبين حزينة ويئسانة من الحياة؟!

كتير مواقف بتمر باي انسان بتخليه يحس بهالشعور
بس اكتر شي بيدايقني الظلم انه حد يظلمني و ما اقدر ادافع عن حالي
و الناس ياخدوا عني فكرة غلط و يضل هالشي ببالهم


* * * * *


لهون بكفيكي حاليا..

وسوري ازا كنت تقيلة بالاسئلة...

لا بالعكس هديل
انبسطت كتير و الله

بتمنالكو احلى سهرة..
لالا-فلسطين 48.

اكيد حلوة بتواجدك يا عسل

الله يوفقك