[ دمعة آسى ] ضيفُ لَـيالِي شـباب فـلسطِيـن و ثـرثـرةٌ حُـرة

[لالا-فلسطين 48]

عالعافية فرفوشة!

كيفك؟!

شو صايرلك يا بنت، صايرة تفوتي بالحكي اللي من النوع التقيل>> عجبني كتيييير سؤال الفلسطينية بالخليج!


بالنسبة لسؤال النقاب..

معلش رح اجاوب بما يخص وضعي بالنسبة لهالسؤال بما انو عام...

طبعا متل ما بتعرفي انا مش ساكنة بضل دولة اسلامية ولا حتى عربية>> احنا اقلية عربية فلسطينية في دولة يحكمها الاحتلال الاسرائيل، والله وهيك صارت المسميات....!!!!!!!!!!!

فلذلك فش اشي عنا فرض لا النقاب ولا الحجاب ولا حتى شال على الراس مع جينز..

فبضل الاشي برجع للبنت نفسها، قناعاتها وعلى شو تربت..

وبالرغم من انو النقاب لم يفرض اصلا يديننا، ما بشوف ولا اي مشكلة انو البنت تختار انها تلبس النقاب وما احلاه هالاختيار لما يكون بارادتها ومش اجبار...

بس في الظروف اللي احنا عايشينها رح يكون اختيار زي هاد صعب كتير وبسبب معاناة كبيرة، بدءا من عدم قبول المنقبات في المؤسسات التعليمية الاسرائيلية المعترف بها،سواء كانت مدارس او جامعات وكليات. ناهيك عن المراقبة والشكوك الموجهة للبنت المنقبة بكل تحركاتها في المؤسسات الاسرائيلية الاساسية في الحياة اليومية وعمليات التفتيش، هذا بالاضافة الى العيون التي ترمقها بغرابة وبنفس الوقت برهبة....

مشان هيك، بشوف انو اللي بتختار بارادتها بموقف زي هيك النقاب، وبتحافظ عليه هي انسانة جبارة ووجودها نادر..

وعفكرة انا مش كتييييييييير مع ويمكن ضد شغلة فرض النقاب بالدول العربية، لما يجلبه هذا النظام من مساوئ طافحة، تغلب المحاسن!



بتمنى تكون فكرتي وصلتلك وما اكون تقلت عليكي...

خلص روحي نامي، بكفيكي لفلفة بالمنتدى وانا كمان رايحةانام..

تصبحين على وطن :)