► εïз ◄ نوآعم فلسطين . تحت آلأضوآء [ §عاشقة غزة§ ] ► εïз ◄

[~][وحيدة القمر][~]

مكان الميلاد أين كان ؟

لبنان .. صيدا

حياة الطفوله من كان المؤثر الأول بها ؟

مممم .. كل من حولي لهم تأثير .. ناس سلباً وناس إيجاباً

موقف من الطفوله مازال عالق في ذهنكـ ؟

من صغري بحب أكون معلّمة ,, فكنت أحط على الكنبة أغراض وأعتبرها تلاميذ ( مثلاً أحط وسادات .. محفظات .. وهيك أوزّعهم على الكنبة وعلى الأرض وأضع ورقة وقلم أمامهم وأتخيّل إنه الخزانة لوح – صبّورة-)
مرة بابا إجى بدو يصلي فـ فرد سجادة الصلاة على الأرض .. أنا صرخت .. باباااا دعست على محموووووود ..
بابا نط عن الأرض قال وين وين محمود ؟ قلت له محمووود تلميـــذي ..
قال لي يحرق همّك على هم محموود !!

ههههه .. وحتى الآن بيذكّرني بالموقف

هل كانت توجد معامله مختلفه كونكـ بنت عن باقي اخوانك الأولاد ؟

لا أبدا .. ما عنا تمييز الولد عن البنت ,, بالعكس كل الاهتمام كان لي بما اني آخر العنقود

اليوم الدراسي الأول هل تتذكري حالكـ فيه ؟

إييي .. كنت آخذة لعبتي معي عشان كنت متعلّقة فيها كتير(اسمها سرّية) .. دايما تضل بإيدي ..
المهم .. المعلمة كتبت ورقة لـ ماما كتبت لها ابعدي آية عن عادة التعلق باللعبة وإلا نفسيتها بتتأثر سلباً .. راحت ماما قانعتني إنه سرّية صارت قديمة ولازم نرميها عشان تجبلي أحلى ..
قمت طلبت من ماما تمزّقها قبل الرمي عشان ما حدا يلاقيها ويلعب فيها ( ومن الحب ما قتل ) ههه رميناها .. فقدتلها أول شي بعدين تعودت ..

عبث الطفوله كيف تصفينه في بضع كلمات ؟

كانت طفولة مليئة باللعب .. يا إما معلّمة ..
أو عندي محل اكسسوارات (وطبعاً أفرد جاروري على طاولة وأبدأ ببيع الأغراض .. عم تتساءلوا من الزبائن؟ خخخ الهواء
هالحكي إلى سن الـ 7 سنين .. بعدها صرت إلعب ماريو 3>

صديقات الطفوله هل مازلوا على تواصل ؟

ممممم انقطعنا عن بعض .. بس من فترة سنتين رجعت وجدت على الفيس كم بنت .. بس ما رجعنا أصدقاء يعني ..

إلى ماذا كنت تطمحين وهل وصلتي لطموحكـ ؟

كنت بحب إني أكون معلمة .. علّمت سنة التخرّج من الجامعة .. وبعد التخرّج .. بس السنة لا .. كنت حابّة أخلّص فيها بحث الماجستير .. بس ما خلص لسى .. ادعولي

كيف هي نظرتكـ للحياة اليوم ؟

نظرة تفاؤلية .. اعتماداً على كلمة أحبها :
(رب لا أدري بما تحمله الأيام لي .. لكن ثقتي بأنك معي تكفيني)

من هي الشخصية الرجالية التي تعجبكـ ؟

صاحب الصفات هيدي : ملتزم دينياً بتوسّط ..دمه خفيف .. ذكي .. حنون .. يشعر بالمرأة إذا متضايقة وزعلانة .. يقدّرها ويحترمها.. ما يتطلع بغيرها ..
بس بالنهاية ما في حد كامل

ان شاء الله . حبيتي ضيافتك عندنا ؟!

كتييير .. الله يخليلي أعضاء المنتدى .. تسلمولي يا بنات .. حبيباتي والله
ييييي صحيح عبّروا متل ما بدكم هون ركن النوااعم