أحلى نكت مصرية .. متجدد

[حسام المصرى]

حرصا منا على محاولة رسم الابتسامة على وجوهكم موضوع متجدد لأحلى النكت المصرية .. طبعا معروف خفة الدم المصرية

نبتدى


و انا ححط حبة كده
اسمعي يا ستي انا :
مرة اربعة صعايدة داخلين امتحان فاجلهم سؤال فى الامتحان وهو كام عددارجل المعزة فكلهم سألو صاحبهم حسنين وما كنش
بيرد عليهم فلما خلص الامتحان قالولو انتا ما قولتيلناش لية قالهم المراقب كان جنبى ومعرفتيش اطلع المعزة

مدرس بيسأل طالب عنده في الفصل ايه هو مذكر يمامه رد عليه
الطالب وقاله بسيطه ياأستاذ مذكر يمامه هو يبابا.

واحد بيتخانق مع مراته فبيقولها:انتى ليه مبتحبيش قرايبى قالتله
لا والله انا بحبهم بدليل ان انا بحب حماتك اكتر من حماتى.

واحد شكله غلبان ويصعب على الكافر قاعد على قهوه باصص لكوبايه شاى قدامه ومتنح ! شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش؟
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه وصلت متاخر وصاحب الشغل هزقنى ,ماستحملتش ورديت عليه راح طاردنى !جيت اخد الموتوسيكل واروح لقيته اتسرق , رحت ابلغ اخويا اتهمنى بالسرقته ! وبعد ماضربونى فى القسم علشان اعترف طلعونى بكفاله مش عارف هسددها ازاى , وحتى لما قررت انتحر , جيت اشرب كوبايه السم , جيت انت وخطفتها من ايدى.

واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليز نوبليز(NO PLEASE).

بلدياتنا راح يبيع الحمار في السوق الحمار رجع ومعاه200جنيه.

ولد بيسئل امه قال لها : ليه بابا اقرع؟ قالت يا ابنى دى علامة الزكاء قال لها :عشان كده شعرك طويل

مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفشى تقول عشرة وخلاص.