.!. قضايا تهمنا.!. ... // ـالموضة و المعاكسات //..

[Anonymous Gril]

المشاركة الأصلية كتبت بواسطة haya-jor هههههههههههه موضوع حلو ... صحيح انو جدي بس كلامك بضحك ...
بدي اقلك قصه (( ليدز فيرست )) التفصيل ... هاي قصه برطانيه ... كانوا في تنين بحبو بعض .. الزلمه من طبقه عاديه يعني مستواه متوسط ... والبنت كانت هاي لايف يعني من طبقة الملوك ... وكانوا يحبو بعض وطبعا اهلهم مو راضين يجوزوهم فا قرروا الانتحار راحو عشان ينتحروا هما الاتنين من جبل ... اجو بدهم يرموا حالهم .. قام الزلمه رما حالو قبل وهي اجت بدها ترمي حالها قامت ترددت وغيرت رأيها .. وبعدين هي عاشت وتزوجت وخلفت ... عشاااان هيك بطلو يأمنوا للنسوان فصار عندهم كل شي ليدز فيسرت النساء اولا ....... خخخخخخخخخخخخخ

اما النسه للموضوع ...

اممممم الموضه ... يعني شوفي انا النسه الي ما شووف غلط الواحد يكون على الموضه يعني لبسو وستايلو يكيون حلو ومرتب بس مش حلو ومرتب على طقة ستي ... لا يعني حلو الواحد يكون زوقو متناسب مع الشغلات الجديده
وهي بالاغلب ما تكون تقليد لحدا يعني مثلا انا شوووف بنات بشووف تلفزيون بشوف شغلات بالنت .. وبعدين انا بشووف شو بلبقلي من ستايل وايش الموضه الي بتناسبني ....
اما بالنسبه للشعر والخرايط هاي تاعت الشباب ... فا هي مراهقه اكتر من تقليد ... واكيد الاهل الهم دور فيها ... لأنو في شغلات بتضلها بصمه في حياة الواحد .. يعني مثلا والله فلان كان شعرو طويل وكان يدخن .. ضلو بعيون الناس انسان هايف وصايع .... ونفس الشي بالنسه للبنت

والمعاكسات ....
هاااي بدها قعده ...
بالنسه للبنات الي بعاكسو الشباب !!!! هدول يعني شو اعلق ...
وبالنسه للشبااب الي بعاكسوو ... هدول منهم اصناف .. في منهم الي س مخلي المعاكسه شغلتووو وبدو يضحكلو شووي ويتسلى ويتبصبص ... وفي منهم الي بدوو يصطاد اي بنت المهم فريسه ويحصل عليها
وفي منهم الي لما يشوفو بنت متزبطه وحلوه ومثلا لبسها شووي فري ... بقولو ما حدا قلها تطلع هيك (( طيب انت شو بدك فيها ))
بس باللاخر كلهم بعانو من خلل نفسي ... وديني ... والعبئ مش على اهلهم ولا المسؤليه على اهلم ...
هما نفسهم لازم يراقبوا تصرفاتهم ... والمصيبه انو مافي غرض بوصلولو من هالمعاكسات .. هي مجرد اذيه للناس !!

شكرا على الموضوع

الله يجبر بخاطرك زي ما جبرتي بخاطري..

و الله يا حجتي .. برضو الأهل الهم دور .. بيقدروا يستغلوآ نقطة ضعف الشاب ،، يمنعوآ م أشياء يراقبوآ أكتر وهو بيفهم شو بدهم وبيلتزم بعد هيك بالصح..

و بالنسبة للموضة .. هي هاي انا بتابعها بس بنفس الوقت ما بتقيد فيها ..

انا بصنع موضتي بحالي ..

وممكن ما اكون ع الموضة بس ستايل مرتب ..

بلا موضة بلا هبل..

يعني بالله هلأ الجينز أنوآآع ايش هالهبل هـآد..!!

اوك بنقدر نتلاعب بالالوان نكسرها بالوان ما بتتناسب معها بنصنع موضة بس مو نقلد زي ما محكيتي..

طيب .. شو اسمه .. بالنسبة للقصة تاعت ليديز فيرست اخرها بينتحروآ وخلص .. ع العموم شكرآ لأنك فهمتيني اياها اكتير..


وبالنسبة للـ BB.. هـآد يا غالية فيه أجهزة تجسس وضعتها إسرائيل لتجسس علينـآ وكلامي مضمون ..


ونورتيني هيـآ ..