| الإهداءات |
|
|||||||
|
|
أدوات الموضوع | انواع عرض الموضوع |
07-04-2010, 02:19 PM
|
#1 | |||
|
I ♥ AQSA
قوة السمعة: 16
 |
هبل المقاطعة !!!!
جننتونا يا عمي ..... حلو عنا ياااااااااااااا .....
أولا: المقاطعة قاطع المنتجات الأمريكية لأنها تدعم اسرائيل! قاطع المنتجات البريطانية لأنها تدعم أمريكا! قاطع المنتجات الدينامركية عشان الكاريكاتير! قاطع المنتجات الهولندية عشان الفلم! قاطع المنتجات الألمانية لأنها جنب الدول السابق ذكرها! و بالنهاية كل الناس ببعثوا الايمالات لبعض من لاب توب كل البرامج الي فيه.... أمريكية!!!؟ وهم قاعدين في ستاربكس بعد ما اتعشوا في كنتاكي ومعاهم "تيك أوي" من ماكدونلدز. ثانيا: الصحة لا تشرب بيبسي لأنه يحتوي على مواد تنظيف و عصارة خنزير! لا تشرب ريد بول لأنه يسبب عقم! لا تستعمل مزيل العرق ولا الشامبو ولا الصابون لأنه يسبب سرطان! لا تأكل لحم البقر لأنه يسبب جنون البقر! لا تأكل دجاج بسبب انفلونزا الطيور! لا تأكل سمك بسبب المد الأحمر... لا تأكل خضار ولا فواكه لأنها كلها هرمونات! لا تشرب ماء لأنه معالج بالكلور! لا تأكل معلبات لأنها تحتوي على مواد حافظة لا تشرب عصير طبيعي لأنه يأتي على شكل عصارة مركزة ولا تشربو عصير غير طبيعي لأنه كله ألوان طيب يعني آكل هوا؟!!! .... لأ طبعا!؟ لأنه الهوا ملوث بعوادم السيارات والمصانع. و اذا خالفت النواهي السابقة كلها، دخلنا على العادات: لا تشرب ماء بعد الأكل! لا تنام ولا تمشي ولا تقعد بعد الأكل! لا تدخن ولا تشرب شاي ولا قهوة بعد الأكل أحسن شي .... انك تاكل وتنتحر!!!!!! لا تخلي الماء في الثلاجة داخل علب بلاستك لأنه مسرطنة!؟ ولا تخليه في زجاج للأنه ممكن ينكسر بدون ما تعرف وتشربه وتموت!! ولا تخلية برة الثلاجة لأنه ممكن يتلوث! ولا تشرب من الحنفية لأنها مش نظيفة و لا تشرب مية صحة لأنها معبئة من الحنفية أو مكررة و فيها مواد مسرطنة.... لا تتكلم عالموبايل بدون سماعة عشان الموجات تقتل خلايا المخ ولا تتكلم عن طريق السماعة عشان الكهربا الساكنة و لا تتكلم عن طريق البلوتوث عشان الموجات برضو تقتل خلايا المخ.... (يعني كل العالم الي عايشين هالأيام عايشين بدون مخ) لا تخلي الهوا يدور في السيارة لما تشغل التكييف لأنه يتلوث من التنفس. ولا تخلي الهوا يجي من بره لأنه ملوث!!؟ لا تعبي بنزين الصبح عشان الكثافة عالية ولا تعبي في الليل عشان الكثافة واطية واشرب خل عشان يحرق الدهون .... ولا تشرب خل عشان يسبب قرحة واطلع في الشمس عشان فيتامين "د" .... ولا تطلع في الشمس عشان ثقب الاوزون وال uv ثالثا: الدين ابعث هذا الايميل لجميع من عندك الله يعطيك 25864973 حسنة .... (لأنه الي باعث الايميل مكشوف عنه الحجاب) حارس قبر الرسول (صلى الله علية و سلم) حلم انه الرسول (صلى الله علية و سلم) قالة انه لازم يبعث الرسالة!؟؟ ويجيلك ايميل مكتوب في أولة قسم انك تبعث الايميل لكل الي تعرفهم و بعدين يتم يذكرك انك أقسمت! (ماسك عليك ممسك) وايميل فيه الجملة الحلوة اللطيفة (اذا لم تبعث الايميل فانت لا تستحق أجره) و ايميل يقولك أحاديث كاذبة واذا ما بعثتها فأنت مقصر و ايميل يقولك "دعاء مرة واحدة في العمر" (يعني ادعية وافجر!!!!) وايميل يقولك "دعاء هز عرش الرحمن" وايميل يقولك "دعاء من دعاه حققت له 100 أمنية" (مصباح سحري مش دعاء!!!!) وبعدين فتوى الرضاعة وفتوى تحريم "البوكيمون" وفتوى تحريم "البلايستيشن" وأحلا فتوة فيهم ............ فتوى قتل "ميكي ماوس"!!؟؟ يعني أحسن حل انه الواحد لا ياكل ولا يشرب ولا يتنفس ولا يتكلم على التلفون ولا يطلع من البيت... وبس يقعد يبعث ايميلات .... ملاحظة: اذا بعثت الايميل هاذا لكل الي عندك راح يطلعلك جني سويسري راكب بنتلي!!، و اذا ما بعثته راح أطلعلك أنا كل يوم في المنام و اقولك "ليش ليش ليش ليش" للصبح |
|||
|
||||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري