من وثق بالله افلح واكتفى

[.: بو جاسم :.]

اعيش في الدنيا مثل عابر طريق
واخذ وصية من حديث المصطفى

ولا ألوم الوقت لو صدري يضيق
كل جرح عند ربي له شفا

والحطب لوفي لهب ناره حريق
بس بعض أحيان جمره به دفا

عادة الأيام ما فيها رفيق
والزمن لو عاهدني لا ما وفا

اناظر العصفور وجناحه طليق
عانق السحاب غرد واختفى

ما درى الصياد له سهم دقيق
لو درى بالغيب جفنه ما غفا

القدر مكتوب في الوح الوثيق
وإن حدث ما تنفعه كلمه أفا

والأماني بحر والنايم غريق
والوصل لابد من بعده جفا

ومن حمل أكثر بعد مما يطيق
ينكسر عزمه ويمشي ع الحفا

والمحيط الشاسع ان واجه مضيق
موجه العاتي تلاشى واختفى

والذهب غالي وله لمعة بريق
ما نقص قدره ولو نوره طفى

ومن ضميره حي قلبه يستفيق
حزة الفزعات بتشوفه لفى

والنحل من طيبته يجني رحيق
والعطش من قسوته ما به صفا

والأفاعي سمها والله عويق
جرحها بالدم دايم ينزفا

و لا يغرني صاحب الصوت الرقيق
لو أشوف دموع عينه تذرفا

حكمة للوقت خذها يا صديق
من وثق بالله أفلح واكتفى


اخوكم .: بوجاسم :.