ثــانـويـتـكــ فـــي ورطــة...~ lll

[حسام المصرى]

موقف سيء حصل معك؟؟!

الحكاية أنى كنت مهمل فى المدرسة بروح عشان ألعب واهزر انا وصحابى .. كان عندنا مدرسة اسمها ميس سعيدة .. دخلت انا الحصة بعد ربع ساعة من الحصة .. وطبعا انا كنت عامل كشكول 40 ورقة لكل المواد .. المدرسة قالتلى وانا داخل الفصل .. اهلا يا باشا .. فين الكتاب قلتهلها مش معايا .. قالتلى الكشكول .. قلتهلا اتفضلى ..

فتحت الكشكول لقت فيه عربى ورياضة وانجليزى وكل ما تتخيل دنا حته كنت كاتب فيه نكت .. طبعا قالت للفصل أدى الأول بتاع المدرسة أهو .. ومسكت الكشكول قطعته 50 حته ورمته على الأرض .. والله كنت عايز أضحك .. طلعتنى بره وجابتلى المدير وطبعا لأنى الأول على المدرسة محدش قدر يقول بم معايا ... ولانى برده معروف . أيام بقى


موقف جميل غير نفسيتك للأفضل؟؟!
فى تانية ثانوى وتالتة ثانوى .. اتكرمت من المدرسة والحزب الوطنى والاخوان المسلمين ومدرسينى ومن حى غرب ومصلحة الجمارك .. كنت لما بشوف والدتى فرحانة وانا بتكرم والناس بتهنينى نفسيتى كانت فى السما .. أسعد أيم حياتى والله


موقف محرج حصلك؟؟!

مدير المدرسة قبل كده دخل الفصل هو أساسا موجه لغة عربية المهم كانت حصة عربى .. كتب قصيدة على السبورة اعوذ بالله مفهمتش حاجة منها خالص .. المهم قال مين اللى يشرحلى القصيدة ويطلعلى الصور البلاغية ويعربهالى ..

طبعا المدرسة قالتله مفيش غير الأول على المدرسة ...طبعا انا قمت قعدت أفتكس افتكاسات ملهاش لازمة وقلتله بصراحة انا مش عارف حاجة فى العربى .. قال للطلبة أدى الأول أهو



موقف حزين؟؟!

مدرس الفيزيا عمل امتحان صعب جدا فى أول الدراسة وانا كنت لسة مش مذاكر أى حاجة خالص . الفيزيا دى فى تالتة ثانوى .. انا اتغريت شوية بعد تانية ثانوى لأنى كنت جايب 99 % .. فعشان كده كنت واثق انى شاطر فى كل حاجة .. المهم جبت فى الامتحان 25 من 50 ..هههههههه وطبعا زعلت جدا وقلت دنا فى بينى هجيب السنة دى 70 % .. وقعدت فترة زعلان جدا

هل مررت/ـي بصعوبات خلال مرحلة التوجيهي؟؟!

لا الحمد لله بفضل الله كانت الأمور ميسرة باستثناء أيام ما قبل امتحان الفيزيا ..كنت خايف أوى ومكنتش هدخل الامتحان