أول طبخة في عهد حورية فلسطين ^_^

[ღ حورية فلسطين ღ]

السلام عليكم

يا ناس علي بزنن أنا


حابة حالي كتير


متخيلين لما وحدة يجيبولها سيرة الطبخ بس تقوم من القعدة كلها

وكل ما يشوفوها يحكولها كيف بدك تتجوزي وانتي ما بتعرفي تطبخي


لحتى اضربت عن الزواج البنت


فجأة وإزز


نزل عليها الوحي ..

بيني وبينكم الشغلة شغلة مزاج ومعروف عني مزاجية لأبعد درجة

كل ما يحكولي اتعلمي احكيلهم ما بدي هيك تناحة

ومن يومين سافرت الماما عالرياض

تخيلو راحت عند نونتي

وانا هون قاعدة زي الطحشة ويلي سفرة ماما وويلي شوفة نونتي


وويلي الطبخ والنفخ والغسيل

اه كمان لاتنسو تباركولي امبارح لأول مرة بحياتي بغسل كمان

وميييييين حكالكم اني ما صورت الغسيلات اللي غسلتهم

بس ما رح انزل الصور


المهم نرجع للمزاجية

فجأة بعد ماسافرت ماما وكان من المستحيل حدا يفكر انو سناء تتعدل وتطبخ شي

هي مجرد الفكرة لما حكيتها اتفاجئو


بس هيك اجى عبالي هلأ اصير معدلة والله وكيلكم لا ماما ولا أخواتي نامو اليوم

كل شوي اتصل على وحدة فيهم اسألها شو اعمل وهما كيفو علي


صارو يعلموني من غير كلل ولا ملل

مع اني جننتهم بس ماكانو ينجنو


واخر شي طبخت هالمجدرة بس حرقت البصلات

ومع زالك كان كل شي لزيز واخدت سيل من الشكر والإعجاب من قبل الأهل والأصدقاء


هاي صورة البصل وهو ليا عالنار قبل ما ينحرق






وهي صورة السلطة لما كانت خضار







واخييييرا وصلنا لصورة الطبخة المحترمة مع البصل المحروق







وهاي الطبخة مع السلطة بعد ماكانت خضار








وهيك بنكون انتهينا


جيت اصور السفرة كاملة لقيتهم هاجمين ومخلصين الصحون


صحة وهنا على قلوبهم يارب


بعدين ياريت تروحو تفتحو التلفزيون على اي قناة رح تلاقو خبر عاجل عن طبختي

والله ماما كيفت علي اليوم


تصدقو صرت احب الطبخ من بعد المجدرة كنت ماخدة عنه فكرة سيئة انو صعب ومن هالحكي الفاضي


طلع سهل


والحلو بالموضوع اجو اختي وجوزها قبل الغدا فاتو عالمطبخ وصارو يصورو امجدرة والمطبخ كامل


بتحكيلي اختي اسم الله عليكي حتى المطبخ مرتب بعد ما طبختي


قلتلها اصلا انا مجهزة موشح لماما بس تيجي مش عارفة ليش بعد ما تطبخ بفوت عالمطبخ بلاقيه قايم قاعد


كمان شوي رح احكيلكم كم شخص بالعيلة عنا واعمارهم ومن بيت مين



سلااااااااااااام


لا تنسو تدعولي معلش الموضوع مكركب بس لأني قاعدة بنزله واهلي تحت بالسيارة بدنا نسافر على جدة غير

بنت الأرض معجب بهذا