لنرتقي بمنتدانا مع {فرفوشة

[قسامي غزة]

اهلا وسهلا فيك...ضيفي العزيز..وعلى بركة الله نبدأ...

يا هلا والله فيكم منورين يا جماعة وطبعا انا كمان منور

* من متى انت عنا هون؟؟؟

من زمان يعني ما يقارب 4 سنوات

* كم نسبة رضاك عن المنتدى بشكل عام؟؟؟

بصراحة في شغلات مو عاجباني بالمنتدي بحس انوا الادارة لازمها تواجد اكتر بالمنتدي
ومتابعة المنتدي اكثر من هيك
يعني بجمل نسبة رضاي من 70 الي 80 %

* بتتمنى يكون لون ستايل المنتدى.........

بصراحة التجديد لازم بكل شي ولو كان لونه الستايل ازرق سماوي بكون افضل

* تقسيمة المنتدى بأفرعها محتاجة تعديل او إعادة تسمية برايك؟؟؟؟

التقسيمة كويسة والاسماء كمان بس في اكم قسم ما فيهم نشاط ممكن يندمجوا مع اقسام تانية
بكون افضل برايي

* صار ابل واجهت مشكلة مع مشرف أو الإدارة!!! وليش!!!

الامر لا يخلي من المشاكل هههههههه
اكيد في ال 4 سنوات صار اكتر من مشكلة مع الادارة والمشرفين طبعا قبل ما اصير مشرف
لانوا بصراحة احيانا الادارة بتتخذ اجراء بحق العضو والعضو ما بعجبه لانوا ينظر للامر من منظوره هوا
بس لما صرت مشرف الادارة بتتناقش مع المشرفين والقرار بكون من المشرفين والادارة يعني الجماعة بعملوا الشي لمصلحة المنتدي

* قرارات الإدارة بتشوفها...(تعسفية غير قابلة للنقاش/ مرنة )؟

القرارات احيانا بتكون جافة بس ما في شي غير قابل للنقاش وانا من رايي لازم يكون للادارة شوية حزم ببعض الشغلات لانوا انا في ال 4 سنوات شفت حاجات كتيرة بالمنتدي وخاااصة من قصة الرسائل الخاصة يعني انا بعطيهم عذر انهم يمنعوها

* شي بتتمنى وجودو بالمنتدى!!!

بتمني اني اشوف المحبة والاخوة علي طول بالمنتدي وانوا العضو يلتمس لاخوه العضو اكتر من سبب اوا العضو مع المشرق وتكون المسامحة موجودة بينا اكتر من هيك
يعني مو كل مشرف حذف لعضو موضوع يصير هذا العضو زعلان ويصير يتمرد عليهم ويحكي عن المشرفين والادارة كلام ما في منو وما ينسي العضو انوا المشرف كان عضو قبل هيك

* كيف برأيك الإدارة تقدر الأعضاء وجهودهم!!!1

بصراحة هما بيقدروا الاعضاء بس يمكن ما بيقدروا يعبروا عن هاد التقدير وهو بعدم وجودهم بشكل دائم في المنتدي ومتابعة الامور كل صغيرة وكبيرة وهاد الشغلة بتخلي الاعضاء يفكروا انوا الادارة مش مهتمة فيهم او بالعربي مطنشاهم

* أفضل قسم عندك؟؟

عدة اقسام واهمها قسم جنائن الايمان مع اني مكسل هناك جدا والنقاشات بكن الوا معزة خاصة بقلبي وطبعا بديش انسي قسمي الاناشيد بلاش يزعل

* بس تفوت المنتدى شو بلفت نظرك أكتر(العنوان /كاتب الموضوع)؟

اكييد العنوان بيلفت نظري بس انا بهتم لكاتب الموضوع بس الاهم هوا العنوان ومحتوي الموضوع


* أبيض x أسود:

- نقطتين بتميز فيها المنتدى وعاجبينك: (الأبيض)

ـــ اول نقطة انوا المنتدي والاعضاء الي فيه بعتبروا حالهم مثل الاخوة وبيخافوا وبيحبوا بعضهم
_ ـ والثانية المشرفين والادارة بيتفهموا الاعضاء وبيحاولوا يعملوا تجديد بالمنتدي والاعضاء قلبهم علي منتداهم

- نقطتين ..مش عاجبينك ومتدايئ منهم :(أسود)

ــــ اول نقطة الاعضاء لما يصير معاه موقف بالمنتدي اول شي بفكر فيه الاستقالة وما بيطول روحه علي اخوانه بالمنتدي
ــــ ثاني شي في اعضاء بيزودوها شوية بالمنتدي ولما الادارة تقلهم اقفوا عند حدكم بيزعلوا وبيوخدوا علي خاطرهم مع انهم برايي ملهمش حق يزعلوا نهائي


عن اذنكم بدي اقوم اصلي وبرجع الكم حتي اكمل باقي الاسئلة