| الإهداءات |
|
|||||||
|
|
أدوات الموضوع | انواع عرض الموضوع |
11-22-2009, 11:05 PM
|
#33 | |||
|
..{{ عطآء و بلسم للأروآح ~
قوة السمعة: 109
 |
رد: ماهيناز
اٌلسّلآم عليكم
مبدأياً وقبل اى كلام ’ انا ما سجلت بالمنتدى علشان اعمل مشاكل وانا مش بالدرجة اللى تخلينى اوقع بينكم وللعلم مع كل احترامى لكافة الأعضاء ديه اخر مُشاركة وبعدها بنسحب بهدوء ، وإن كان لينا عمر ، يمكن فى يوم من الايام اعود وعلى كل حال شكراً كتير على حُسن الأستضافة : يا كرام فى خلل فى أمتنا العربية ، وفى خلل فى مفَهِمنا الأسلامية فى مرض مُتفشى فى بعض الأفراد محتاج سنين للعلاج : يا نور الهدى يمكن انا معنديش القدرة على النقاش ، لكن بقدر الامكان بتغاضى عن الاهانات وبتناقش احياناً ، لكن الموضوع مبدأياً نازل لعرض فكرة وللتوضيح ، ياريت تقرأى الموضوع من أوله لأخره ، الأخ خالد كتب نفس الجملة اللى كتبها شهيد غزة ، بس يمكن كانت بأهانة وانا نقشت شهيد ، لأن النقاش بيدور فى مضمار الموضوع للتوضيح لكن فى نقاش فى حلقة مفرغة ، لما اكون بتكلم فى موضوع وانتِ بتتكلم فى موضوع تانى خالص مفيش شيئ هنجتمع عليه ، ثُم أنى مكتبتش الأهداء علشان الأخ خالد بالتحديد !! انا كتابته لأنى حسيت بالأهانة من اكتر من شخص ، يا نور للأسف المفاهيم والثوابت مش واضحة المنتدى فلسطينى ، والأغلب - الا من رحم ربى - بيعتبر انو الغير فلسطينى مُجرد ضيف شِئنا ام ابينا ، ممكن نحس بالشعور ده ، انا مش ألة كهربائية مُجردة من كل الحواس مُجرد احساسى انى ضيفة ، مبقدرش ارد ولا اعلق على اى إهانة ، وباخد الموضوع من منطلق مُحايد ثُم ميت مرة حكيت انو فى فرق بين الشعوب والحكام - لكن لا حياة لمن تنادى - يا اخ خالد ، ماذا تعرف انت اصلاً عن الشعب المصرى [ اللى هيروح جهنم ان شاء الله ] تعرف عنه ايه بالزبط ، تعرف انو فى ناس عايشين فى مصر بيشتروا المية علشان يشربوا تعرف انو فى ناس عمرهم ما شافوا الكهرباء ولا يسمعوا عنها تعرف انو فى بلاد بتعيش على الخبز وبس بلد النيل والسد العالى فيها ناس مش لاقية مية ولا كهرباء تعرف انو فى اكتر من مليون فى الشعب المصرى خارج التعداد محدش يعرفهم ولا يسمع عنهم ، بيعيشوا ويموتوا بلا اى خبر دول يقدروا يعملوا ايه لأهل غزة - كانوا عملوا لنفسهم الأول - تقدرى تقولى تعرف ايه عن المصريين شعباً وليس حكومة تقدر تقولى تقبل انى اهين فلسطين والشعب الفلسطينى ولا لا ثُم انت عملت ايه لفلسطين علشان تتكلم عن المصريين ، فى مصريين كتير ضحوا بأروحهم لفلسطين يا اخ خالد ويا نور الهدى ويا دموع الرحيل الشعب المصرى 80 مليون + من هم خارج التعداد معقول ان الـ 80 مليون كلهم لا يمتوا للأسلام بصلة [ وهيتحرقوا فى جهنم ] حتى لو انا تفهمت انو كل شعب فيه الصالح والطالح خلينا نكون اكثر جدية بمعطيات الزمن الحالى - على فرض انى مصرى بعشق فلسطين وترابها وبتمنى اعمل شيئ عملى ليها ، دخلت مُنتدى كزائر ، شفت إهانة لبلدى وأهلى وانا اصلاً مبدأياً بحب فلسطين وأهلها الرد الفعل الطبيعى انو سياسة المنتدى كله بهذا الأسلوب - والمنتدى افراد أفراد من شعوب ، ولو كل منتدى فلسطينى فى اهانة - الفكرة اللى داخل المصرى هتتغير التفكير الجدى وقتها هيقول مش هو ده الجيل اللى ممكن يعمل عروبة ، نستنى الجيل اللى بعده وهكذا .. ولن نصل لأى حل لازم نغير افكارنا ، ونبعد عن أسلوب التعميم هل ترضى يا اخ خالد انى احكم على الشعب الفلسطينى كله بسبب عباس وفتح ، عباس ليس افضل حالاً من مبارك وكلاهما ليسوا افضل حالاً من كل الحكام العرب اسلوب التعميم هو السبب فى فساد العلاقات العربية العربية اسلوب التعميم اصلاً خارج الدين الأسلامى لازم تعرف ان الانسان لا يقاس بجنسيته ( .. لا فضل لعربي على أعجمي إلا بالتقوى ..) لكن كمان النبى عليه الصلاة والسلام قال ( .. حب الأوطان من الايمان ..) من حقك تحب بلدك ، وطنك - ومن حقى انا كمان أحب بلدى ، وطنى ومجرد انى اتعدى على الحق ده ، يبقى بهين كرامتك بهين إيمانك وإذا جينا للسياسة : مصر مازالت تُعانى من وطأة الأستعمار استعمار سياسيى وفكرى واقتصادى ودينى .. مُستعمرين من كل الأتجاهات والإسلام نظم الجهاد بالقاعدة التى تنص على ان جهاد العدو القريب أولى من جهاد العدو البعيد إحنا محتاجين نتحرر أولاً من أسلوب ونظام الحكم بس مش معنى كلامى ابداً اننا نتجاهل فلسطين ، بالعكس لكن على اى اساس ، نحن لا حول لنا ولا قوة ثُم ان المصريين اكتر شعب مقهور فى الشعوب العربية وإن جئت للحق ، ما فى عدد متظاهرين لأهل فلسطين وغزة .. قد عدد المتظاهرين المصريين لكن فى النهاية ، فى مليون طريقة للألهاء بما فيها الأعتقالات ولقمة العيش ، والأدمان والبطالة كل شيئ ممكن يخطر على بالك ، ودى مش مشكلتنا لوحدنا دى مشكلة كل الشعوب العربية ثُم ان لو اى بلد اخرى كانت مجاورة لفلسطين بالحكومات الحالية - لن يكون موقفها افضل حالاً فليس عدلاً ان نتبرأ من الشعوب لموقف حكومتها ثُم اسلوب الغل والحقد اللى بيكبر بداخلنا ضد الدين والأسلام كمان اخر شيئ قسمنا بالله فى ناس فى الشعب المصرى بيسوا امة اسلامية بأكملها كذلك إناس فى الشعب الفلسطينى ، وأمثالهم فى الشعب الجزائرى ، وأمثالهم فى اقصى الارض ومغاربها النوع ده من الناس محتاجين بصيص من النور لإصلاح ما يُمكن اصلاحه لدأب الصدع العربى وإعادة العلاقات يا اخ خالد ويا كل شباب فلسطين وغير فلسطين - عدونا واحد بلاش نضحك على نفسنا : وأخيراً نقطة مهمة جداً الموضوع يا نور انا محبتش اقلبه نقاش لأنى كنت بحاول اعمله خطوة جيدة لدأب الصدع المصرى الجزائرى بالكلمة الطيبة وطلبت من الكل ان الموضوع يكون عبارة عن كلمة طيبة وبس ( .. إنما المؤمنون إخوة فأصلحوا بين اخويكم واتقوا الله لعلكم ترحمون ..) لكن انا كنت ناوية اناقش فى موضوعك احنا العرب عنصريين ، : ويا خالد العلماء المسلمين فى كل مكان بيخطأوا ويصيبوا ربنا سبحانه وتعالى قال فى كتابه العزيز ( فأسألوا اهل الذكر إن كنتم لا تعلمون ..) الأصل فينا العلم والمعرفة يعنى حتى لما نسأل اهل الذكر ، لازم نبحث عن الحقائق ، هل انت جدير بأنك تكذب عالم اسلامى ، اذا انت جدير بذلك فتقدر تراجعه على كل حال - أخطأ العلماء جامة ، لكن كمان فى من العلماء المسلمين أعاظم وكلنا تتلمذنا على ايديهم ، او اخدنا منهم العلم امثال الشعرواى والقرضاوى ووجدى غنيم .. وغيرهم وغيرهم وكلهم مصريين ، او مسملين اياً كانت جنسيتهم اللى عاوزة اقوله ان حتى الصح اليوم ليس بالضرورة انو يكون صح غداً والعكس بالعكس ومش كل المصريين هيدخلوا جهنم يا اخى طيب انا هدخل جهنم - الا ان تصيبنى رحمة من الله ويدخلنى الجنة - لكن بدك تحكيلى مثلاً انو امى وابويا اللى فى الحج هيرجع على جهنم عدل ليش يعنى انتوا اهل الجنة مسبقاً واحنا اهل النار - لا اله الا الله - : انا اخر شيئ حابه احكيه حاولوا تعملوا اى شيئ لدأب الصدع ، وإذا فى حواقد خلوها كامنة لحتى ما تخسر كل الشعوب بعضها بسبب مجرد كلام افراد ربنا يهدى الجميع والله يألف بين قلوب المؤمنين ويا اخى أعتذارك على راسى ’’ بسيطة :) ونانا من بعد اذنك الله يرضى عليكِ ، ما بحب اكون سبب فى تفاقم مشكلات بتمنى ترجع عضوية الاخ خالد ويا اخ خالد ، بتمنى تحاول تعيد النظر فى حساباتك عن الشعوب والله يرضى عليكم جميعاً بتمنى ما حد يشيل بقلبه شيئ من نحيتى استودعكم الله ^^ |
|||
|
||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري