| الإهداءات |
|
|||||||
|
|
أدوات الموضوع | انواع عرض الموضوع |
09-08-2009, 05:59 PM
|
#11 | |||||
|
I ♥ PALESTINE
قوة السمعة: 122
 |
رد: {بـاب الـحـارة} أم { بـاب الـريـان}
~دموع الرحيل~ و كم يسعدنا تواجدك و إصررك على متابعة النقاش فهذا هدفنا نقاش نصل به إلى ما نطمح إليه بوركت حبيبتي ع تواجدك هنا رغم إني أعلم بظروف وقتك //
لأنه هالأمر
صآرت المسأله مسألة انه صرنآ بدنا نحرم كل شي فـن لمجرد أنه فن و للإثبات فيه فتاوى لشيخنا "عبد الله بن عبد الرحمن الجبرين " رحمه الله بأن الفن عرف في زماننا بالتمثيل الماجن و الرقص و المسرح الخليع هكذا عرف الفن و في معرض فتواه عن حكم التمثيل فقد قال بأنه لا يرى فيه بأسا إن لم يكن فيه محظور فقد رأى بجوازه..لكن يعرض بأن من أراد اتقاء الشبهات فأولى له تركه..حتى ولو كان لملأ وقت الفراغ استنادا لحديث رسول الله صلى الله عليه و سلم{نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ }
بدآية المشايخ يا أسامة ما حرموا هالمسلسلآت بالعكس .. طبعا متفقين إنو المسلسلات العلمانية هاي محرمة قطعا بس زي ما ذكرت قبل إنو حتى المسلسلات الدينية و الوطنية إلها ظابط و احكام شرعية.
غير أنه شغلة التلفزيون بيلهي .. طيب النت ما بيلهي .. والواحد ممكن يحضر التلفزيون اكثر من هالساعات الي ذكرتي و بتكون ذات نفع عليه يعني مش بالضرورة هو ملهي و نفس الشي عن النت فيه الي بيقعد 10 ساعات بيقضيهم في اللهو و المواقع الي سبب ضياعنا و فيه الي بيقعد اكثر من 10 ساعات بس في اشيا بتنفعو و بتخدم مصالحو و دينو واجمالا وسائل الاعلام كلها فيها الصالح و الطالح و كل واحد كيف بيقضي وقتو { و هاد مربط الفرس الوقت وين بيستنفد} حتى الجرايد فيه ناس بتستعملها للنفع و فيه المستهلك فقط يعني بس بتلاقيه بيدور ع شو عمل هالفنان و هالفنانة و هكذا و الامثلة كثيرة يطول شرحها
أمل حبيبتي .. // مسألة انه من إيمتى نحن منستفيد من المسلسلات .. أنا حكيت قبل إنو فعلا هو شكل مختلف عن ما كان يعرض و طبعا مش بين عشية و ضحاها راح نحصل ع الي بدنا ياه . بس هاي مش إسمها حاربناه بس في اشي اسمو انتقاد يعني لما يجي و احد يحكي الي انو هاد مسلسل ذو طابع اسلامي ..بقول الو لا يا أخي مش هذا الي بدنا و لا هيك بتكون المسلسلات الاسلامية لأنو فيه كثير اشيا غلط فيه و الي بيمرق ع عقول الناس و الاطفال خاصة منهم الي هم وقود الشعلة الي بدنا يكملو المسيرة..{و راح اشرح اكثر في الي جاي لانك دكرتي شي منو}
بس الي منحكي عنهم همي الناس الي نسيوآ شو يعني أمة .. وإيد وحده بس الي بدي احكيه يا نانا نو الي بس يبحث انو يملي وقت فراغو عمرو ما راح يطلع بشي فيه الفايدة لما بيحضر شي وما في هدفو انو يستفيد راح يضل هيك متنقل بين هذا و ذاك..
اما مسألة ظهور النسآء في المسلسل و يا نانا مش قصة انو إنهم هم ظاهرين ظاهرين خلينا نستفيد منهم..مش هدول الي بدنا نحنا بدنا نساء في الاعلام بس عندهم هالهم و الشاغل الي يقدرو من خلالو تقديم شي للمجتمع و دفع تلك النظرة البذيئة عن المرأة التي عرفت بها في هذا المجال.. نساء بيقدرو يعملو نفس الشي بس بظوابط شرعية الي راح تقدر توصل من خلالها رسالة المرأة المسلمة بشكل صحيح مش بس مجرد تقمص لأوراق المخرج وجني راتب من وراء ذلك
نهآية يا جمآعه المسألة مش مسالة باب الحاره أو غيره
المسألة انه ما بصير يكون تفكيرنا محدود .. بس القاعدة بتقول :{ مابني على باطل فهو باطل} أي شي مش مبني على أساس مصدرو الهدم.. و باب الحارة و غيرو لو مش الاساس قيم و اخلاق اسلامنا الحقيقي عمرو ما راح يقدر يقدم او يغير شي بالعقول خاصة الي مابتعرف شو يلي عم يصير بحال الامة.. انتو حكيتو انو بيقدم صورة عن العائلات الملتزمة و هيك.. بس انا بحكي انو مثل هالشي بيخلق انفصام في تركيبة المشاهد خاصة الاطفال منهم و بأؤكد عن الاطفال: و راح أفسر أكثر مش من منطلق فتاوى او أحكام بس من خلال دراسة عملية كنا اعتمدناها عن المسلسلات و الاعلانات كذلك في معرض بحث مدرسي كنا قمنا فيه: من خلال الدراسة شو يلي وصلنا الو؟ و جدنا إنو الطفل بيحصل الو نوع من الانفصام و بيفقد الثقة فيما يقدم اليه يعني لا يستطيع التمييز بين ما هو صحيح و ما هو كذب مثال:لما يجي الطفل بيشوف هالممثل اليوم بدور شخصية بارزة من أعلام الامة الاسلامية و كيف هي أخلاقها و عملها ووو ...أو ممكن يشوفو بصورة شيخ ملتزم من أئمة المساجد أو ممكن من عامة الناس لكن على دين و خلق..فجأة و بعدمضي وقت ليس بقليل بيشوف نفس الممثل وهو من رواد دور الخنى و بين أحضان النساء .. لما يجي يشوف إشهار عن لعبة او تشيبس بيصور الو إنو أحسن منتج و بيسارع لاقتنائه خاصة إذا وضع مع هذا الاشهار صورة لشخصية محببة لديه..و بعد حصوله على المنتج بيكتشف انو مجرد كذب.. ومن خلال هالحكي خرجنا بخلاصة انو الطفل بتصير عندو تركيبة غير سوية و فاقد للثقة فيما يعرض امامه و انا لما حكيت عن الطفل هذا لأنه هو الامل في التغيير يعني لما الطفل بيشوف ابوه و امو و اخوانو بيتابعو شي اكيد راح يتابع معهم و لو الكبار كانو مدركين انو ما يعرض مجرد تمثيل فالطفل بياخد كل شي امامو قدوة خاصة إذاكان المحيط من المتمسكين بمتابعة داك الشئ.. و نفس الشي عن الناس يلي بتحكو انو من الافضل انو يتابع هالشي أفضل من غيرو..هو كل يوم بيزيد إعجابو بهالشخصية خاصة إذا توالت الادوار الجيدة ..ولما يجي شي دور من الي حكيت عنو صار عادي و بيحيكي هاد بدو يوصل رسالة يعني راح يضل يدور في نفس الفلكة مشان هيك بكرر إنو : ما لم يبنى على أساس صحيح لن تكون له استمرارية او نفع
والله يبآرك بغيرتكم على دينكم جميعا و جزا لله خيرا الجميع و طبعا أي إضافة على الرحب و السعة فهدفنا الخير ان شاء الله |
|||||
|
||||||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري